''షేడ్స్ ఆఫ్ సాహో'' మార్చి 3వ తేదీన వచ్చేస్తోంది..

సోమవారం, 25 ఫిబ్రవరి 2019 (16:20 IST)
ప్రపంచ వ్యాప్తంగా వున్న సినీ ప్రేక్షకులను టాలీవుడ్ వైపు తిరిగి చూసేలా సినిమా ''బాహుబలి''. ఈ సినిమాకు తర్వాత బాహుబలి హీరో ప్రభాస్ సాహో సినిమాలో నటిస్తున్నాడు. సుజీత్ దర్శకత్వంలో భారీ బడ్జెట్ సినిమాగా ఇది తెరకెక్కుతోంది. ఇందులో ప్రభాస్‌కు జోడీగా.. బాలీవుడ్ అందాల సుందరి శ్రద్ధా కపూర్ నటిస్తోంది. విలన్‌గా అరుణ్ విజయ్ నటిస్తున్నాడు. 
 
యూవీ క్రియేషన్స్ బ్యానర్‌పై తెరకెక్కుతున్న ఈ సినిమా.. యాక్షన్ ఎంటర్‌టైనర్‌గా రానుంది. తెలుగు, తమిళం, హిందీ భాషల్లో విడుదల కానున్న ఈ చిత్రం రూ.300 కోట్ల బడ్జెట్‌లో తెరకెక్కుతోంది. 
 
ఈ నేపథ్యంలో ప్రభాస్ పుట్టిన రోజును పురస్కరించుకుని ఈ సినిమా టీజర్ విడుదలైంది. తాజాగా ''షేడ్స్ ఆఫ్ సాహో'' అనే పేరిట రెండో మేకింగ్ వీడియోను విడుదల చేసేందుకు సినీ బృందం రంగం సిద్ధం చేస్తోంది. ఈ వీడియోను మార్చి 3వ తేదీన విడుదల చేయనున్నట్లు సినీ యూనిట్ ప్రకటించింది. 

వెబ్దునియా పై చదవండి

తర్వాతి కథనం ఆ టైటిల్‌ను టచ్ చేస్తావా.. నానిపై చిరు ఫ్యాన్స్ ఫైర్..