తమిళ అగ్రహీరో విజయ్ నటించిన కొత్త చిత్రం "వారసుడు". సంక్రాంతికి ప్రేక్షకుల ముందుకు వచ్చింది. రష్మిక మందన్నా హీరోయిన్. టాలీవుడ్ ప్రముఖ నిర్మాత దిల్ రాజు నిర్మించిన ఈ చిత్రానికి తెలుగు దర్శకుడు వంశీ పైడిపల్లి దర్శకత్వం వహించారు. తమిళంలో జనవరి 12వ తేదీన, తెలుగులో జనవరి 14వ తేదీన విడుదలైంది. శరత్ కుమార్, శ్రీకాంత్, శ్యామ్, రాధిక శరత్ కుమార్, సంగీత తదితరులు నటించారు. ఎస్ఎస్ థమన్ సంగీతం సమకూర్చారు.
ఈ చిత్రం ఓటీటీ హక్కులను అమెజాన్ ప్రైమ్ దక్కించుంది. ప్రస్తుతం ఈ చిత్రాన్ని స్ట్రీమింగ్ చేస్తుంది. తమిళం, తెలుగు, కన్నడ, మలయాళం భాషల్లో అమెజాన్ ప్రైమ్‌లో స్ట్రీమింగ్ అవుతుంది. అయితే, విజయ్‌కు ఉత్తరాదిలో కూడా మంచి ఫ్యాన్స్ ఫాలోయింగ్ ఉండటంతో అక్కడి ప్రేక్షకులు కూడా హిందీలో స్ట్రీమింగ్ చేసేలా చర్యలు తీసుకోవాలని వారు కోరుతున్నారు.
