శోభనం తెల్లారే చితక్కొట్టాడు... గాయని కౌసల్య

పెళ్లిలో మర్యాదలు సక్రమంగా చేయలేదనీ తన తల్లిని నిందిస్తుంటే తాను కల్పించుకుని తన తల్లిని ఏమీ అనవద్దని అన్నందుకే తన భర్త శోభనం రోజు మరుసటి రోజే కొట్టాడని ఆ సంఘటన ఇప్పటికీ బాధగా మిగిలిపోయిందని సినీ గాయన

పెళ్లిలో మర్యాదలు సక్రమంగా చేయలేదనీ తన తల్లిని నిందిస్తుంటే తాను కల్పించుకుని తన తల్లిని ఏమీ అనవద్దని అన్నందుకే తన భర్త శోభనం రోజు మరుసటి రోజే కొట్టాడని ఆ సంఘటన ఇప్పటికీ బాధగా మిగిలిపోయిందని సినీ గాయని కౌసల్య చెప్పుకొచ్చింది. ముఖ్యంగా కోటి ఆశలతో కొత్త జీవితాన్ని ప్రారంభించిన తాను, వివాహమైన తొలి నాళ్లలోనే గృహ హింసను ఎదుర్కొన్నట్టు చెప్పుకొచ్చింది. 

తాజాగా ఆమె ఓ పత్రికకు ఇంటర్వ్యూ ఇచ్చింది. ఇందులో తాను ఎదుర్కొన్న గృహహింసను పూసగుచ్చినట్టు వివరించింది. పెళ్లిలో తమకు మర్యాదలు సరిగ్గా చేయలేదని గొడవకు దిగగా, తన తల్లిని ఏమీ అనవద్దని అన్నందుకే కొట్టాడని, ఆ దెబ్బ ప్రభావం ఏళ్లు గడిచినా తనపై ఇంకా ఉందని చెప్పింది. అప్పుడే చనిపోవాలని, విడాకులు తీసుకోవాలని అనుకున్నానని, అయితే, చిన్నతనంలోనే తండ్రి చనిపోగా, కష్టపడి పెంచిన తల్లి, పెళ్లి కావాల్సిన చెల్లెలు, సొసైటీ గురించిన ఆలోచన వచ్చి ఆగిపోయానని తెలిపింది. 

ఆ తర్వాత బాబు పుట్టిన ఆరేళ్ల తర్వాత కూడా ఇదే పరిస్థితి ఉందని, 'సూపర్ సింగర్ 7' జరుగుతున్న వేళ, సమస్యను పరిష్కరించేందుకు తన బావ వచ్చిన వేళ, వాళ్ల ముందు తనను రక్తం కారేలా కొట్టాడని, ఆ సమయంలో బాబు వచ్చి, "అమ్మను కొట్టొద్దు నాన్నా. ప్లీజ్‌ కొట్టొద్దు నాన్నా" అని వేడుకుంటుంటే హృదయం బాధతో ద్రవించిపోయిందని చెప్పింది.

భరించడానికి కూడా ఓ హద్దు ఉంటుందని, భర్త మారతాడని ఏళ్ల తరబడి ఎదురు చూశానని, కానీ తన ఆశ తీరలేదని చెప్పుకొచ్చింది. ప్రస్తుతం కొడుకును చూసుకుంటూ ఆనందంగా ఉన్నానని, ఎవరి హక్కులను వారే కాపాడుకుంటూ ముందుకు సాగాలని నిశ్చయించుకుని జీవితాన్ని సాగిస్తున్నానని వెల్లడించింది.