మాటల మాంత్రికుడు త్రివిక్రమ్ దర్శకత్వంలో రూపొందిన ''అరవింద సమేత వీర రాఘవ'' చిత్రం బాహుబలి రికార్డును బ్రేక్ చేసిందని టాక్ వస్తోంది. ఈ సినిమా అక్టోబర్ 11వ తేదీన ప్రపంచ వ్యాప్తంగా విడుదలైన సంగతి తెలిసిందే. రాయలసీమ యాసలో, ఫ్యాక్షనిజం నేపథ్యంలో విడుదలైన ఈ సినిమా ప్రేక్షకులను ఆకట్టుకుంటోంది. అంతేకాకుండా తెలుగు రాష్ట్రాలతో పాటు ఓవర్సీస్‌లోను ఈ చిత్రం వసూళ్లు దుమ్మురేపేస్తోంది.
తాజాగా తెలంగాణలో అరవింత సమేత చిత్రం తొలిరోజునే బాహుబలి సినిమాకంటే అధిక వసూళ్ల వచ్చాయి. అంటే నైజామ్‌లో ఈ చిత్రం రూ.5.73 కోట్లు, తెలుగు రాష్ట్రాల్లో మెుదటి రోజుకే రూ. 26.64 కోట్లు షేర్‌ను వసూలు చేసింది. ప్రపంచవ్యాప్తంగా చూస్తే రూ.60 కోట్లు షేర్స్ వచ్చాయి.
అసలు విషయం ఏంటంటే.. ఎన్టీఆర్ యాక్షన్.. పూజా గ్లామర్ ఈ చిత్రానికి భారీ వసూళ్లు రావడానికి కారణమని సినీ విశ్లేషకుల అభిప్రాయం. ఈ సినిమా పాటలు, స్క్రిప్ట్, యంగ్ టైగర్ ఎన్టీఆర్ నటన, పూజా హెగ్డే రాయల యాస ఈ సినిమా ప్రత్యేక ఆకర్షణగా నిలిచాయి. ఇవే సినిమాకు భారీ వసూళ్లను సంపాదించిపెడుతున్నాయని సినీ పండితులు, ఫ్యాన్స్ చెప్తున్నారు.
