చిన్న పాత్ర‌లు వేయ‌డం నుంచి క‌థానాయ‌కుడిగా ఎదిగిన విజయ్ దేవ‌ర‌కొండ అతి త‌క్కువ కాలంలో పాన్ ఇండియా స్టార్ అయిపోయాడు. పూరీ జ‌గ‌న్నాథ్ ఆయ‌న‌తో తీస్తున్న లైగ‌ర్ సినిమా చేయ‌డం కూడా అదే కార‌ణం. అయితే దిల్‌రాజుకూ, విజయ్ దేవ‌ర‌కొండకూ మంచి సాన్నిహిత్యం వుంది. ఇద్ద‌రూ తెలంగాణ ప్రాంత వాసులే. అందుకే వీరి కాంబినేష‌న్‌లో ఎవ్వ‌రూ ఊహంచ‌ని విదంగా సినిమా వుండాల‌ని క‌స‌ర‌త్తు జ‌రుగుతోంది. దీని గురించి విజయ్ మాట్లాడారు.
- ఎక్క‌డో నిజామాబాద్ నుంచి ఇక్క‌డ‌కు వ‌చ్చి దిల్‌రాజు సినీ ఇండ‌స్ట్రీలో స్థిర‌ప‌డ్డారు. థియేట‌ర్స్‌, క‌న్‌స్ట్ర‌క్ష‌న్స్ రంగాల‌ను చూసుకుంటూ నిరంత‌రం ఫైట‌ర్స్‌లా ప‌నిచేశారు. ఇప్పుడు ఇండియా రేంజ్లో సినిమాలు చేస్తున్నారు. నాకెంతో ఇన్‌స్పిరేష‌న్ ఇచ్చిన వ్య‌క్తులు వాళ్లు. రాజుగారితో మైండ్ బ్లోయింగ్ సినిమా చేయాల‌ని వెయిట్ చేస్తున్నాను. త్వ‌ర‌లోనే అనౌన్స్ చేస్తాం` అని విజయ్ దేవ‌ర‌కొండ వెల్ల‌డించాడు.
కేరింత సెల‌క్ష‌న్‌కు విజయ్ దేవ‌ర‌కొండ వ‌చ్చాడు
ఇందుకు దిల్ రాజు స్పందిస్తూ, విజ‌య్‌తో నాకు డిఫ‌రెంట్ జ‌ర్నీ ఉంది. `కేరింత` సినిమాకు ముగ్గురు హీరోల్లో ఒక‌రిగా న‌టించ‌డానికి విజయ్ దేవ‌ర‌కొండ ఫొటో షూట్‌కు వ‌స్తే, అలా చూసేసి వెళ్లిపోయాను. త‌న‌ను క‌ల‌వ‌లేదు. అలాగే పెళ్లిచూపులు సినిమాను కూడా నాకు చూపించాల‌ని త‌ను ప్ర‌య‌త్నిస్తే నేను ఆస్ట్రేలియాలో హాలీడేస్‌లో ఉన్నాను. తర్వాత త‌ను అర్జున్ రెడ్డితో ఓ క‌ల్ట్ స‌క్సెస్ సాధించాడు. గీతా గోవిందం స‌క్సెస్ తర్వాత ఈవెంట్‌కు వెళ్లిన నేను అక్క‌డకు విజయ్ వ‌స్తుంటే వ‌స్తున్న రెస్పాన్స్ చూసి.. పవన్ క‌ళ్యాణ్‌గారికి ఫ్యాన్స్ దొరికారు. తర్వాత మూడు నాలుగు సినిమాల్లో ఆ రేంజ్లో యూత్‌ను సాధించాడు. పవన్ క‌ళ్యాణ్‌లా తెలుగు ఇండస్ట్రీకి ఓ యూత్‌ఫుల్ స్టార్ దొరికాడ‌ని చెప్పాను. లైగ‌ర్‌తో ఇప్పుడు త‌ను పాన్ ఇండియా హీరోగా ఇంట్ర‌డ్యూస్ అవుతున్నాడు. త‌న‌కు ఈ సంద‌ర్భంగా ఆల్ ది బెస్ట్‌. త్వ‌ర‌లో మేం క‌లుస్తాం అంటూ వివ‌రించారు.
