ప్లాప్ డైరెక్ట‌ర్‌తో మెగా హీరో సినిమా చేస్తున్నాడా..?

మెగా హీరో సాయిధ‌ర‌మ్ తేజ్ ఫ్లాప్ డైరెక్ట‌ర్‌కి గ్రీన్ సిగ్న‌ల్ ఇచ్చాడ‌ట‌. అదీ కూడా త‌ను ఇప్పుడిప్పుడే ఫామ్‌లోకి వ‌స్తున్న టైమ్‌లో ఫ్లాప్ డైరెక్ట‌ర్‌తో సినిమా చేయ‌డం అంటే రిస్కే. అయినా కానీ.. రిస్క్ చేయ‌డానికి సై అంటున్నాడు ఈ మెగా హీరో. చిత్ర‌ల‌హ‌రి సినిమాతో ఆశించిన స్థాయిలో స‌క్స‌ెస్ సాధించ‌లేక‌పోయినా.. ఫ‌ర‌వాలేద‌నిపించాడు. 

ఇక ప్ర‌తిరోజు పండ‌గే కూడా యూనిమ‌స్‌గా హిట్ టాక్ రాక‌పోయినా ఈ వారంలో వ‌చ్చిన సినిమాల్లోకెల్లా మంచి క‌లెక్ష‌న్స్ వ‌సూలు చేస్తోంది. ఇలా చిత్ర‌ల‌హ‌రి, ప్ర‌తి రోజు పండ‌గే సినిమాల‌తో తేజు ఇప్పుడిప్పుడే ఫామ్‌లోకి వ‌స్తున్నాడు. ప్ర‌స్తుతం కొత్త ద‌ర్శ‌కుడి సుబ్బుతో సోలే బ‌తుకే సో బెట‌ర్ అనే సినిమా చేస్తున్నారు. ఈ సినిమా ప్ర‌స్తుతం శ‌ర‌వేగంగా షూటింగ్ జ‌రుపుకుంటుది. 

అయితే... ఈ సినిమా సెట్స్ పైన ఉండ‌గ‌నే సాయిధ‌ర‌మ్ తేజ్ ఓ ప్లాప్ డైరెక్ట‌ర్‌కి గ్రీన్ సిగ్న‌ల్ ఇచ్చారు. ఇంత‌కీ ఎవ‌రా ఫ్లాప్ డైరెక్ట‌ర్ అంటారా..? దేవ‌క‌ట్టా. ప్ర‌స్థానం సినిమాతో ఇండ‌స్ట్రీ దృష్టిని ఆక‌ర్షించిన దేవ‌క‌ట్టా ఆ త‌ర్వాత ఆటోన‌గ‌ర్ సూర్య సినిమా చేసాడు. ఈ మూవీ స‌క్స‌ెస్ కాలేదు. ఆ త‌ర్వాత మంచు విష్ణుతో చేసిన యాక్ష‌న్ థ్రిల్ల‌ర్ కూడా మెప్పించ‌లేక‌పోయింది. ఇప్పుడు సాయిధ‌ర‌మ్ తేజ్ కోసం ఇంటెన్ష్ ఉన్న స్టోరీ రెడీ చేసాడ‌ట‌. ప‌క్కా మాస్‌గా ఉండే ఈ మూవీ ఏప్రిల్‌లో సెట్స్ పైకి వెళ్ల‌నుంద‌ని స‌మాచారం. 

మ‌రి.. ఈ సినిమాతో అయినా దేవ‌క‌ట్టా మ‌ళ్లీ ఫామ్ లోకి వ‌స్తాడా..? తేజు చేస్తున్న ఈ రిస్క్ స‌క్స‌ెస్ అవుతుందా..? లేదా..? అనేది తెలియాలంటే కొంతకాలం ఆగాల్సిందే.