సూప‌ర్ స్టార్ మహేష్ బాబు ప్ర‌ధాన పాత్ర‌లో వంశీ పైడిప‌ల్లి దర్శకత్వంలో తెర‌కెక్కుతున్న చిత్రం మహర్షి. పూజా హెగ్డే, అల్లరి నరేష్ ముఖ్య పాత్ర‌ల‌లో న‌టిస్తున్నారు. మే 9న విడుద‌ల కానున్న ఈ చిత్రానికి సంబంధించిన ప్ర‌మోష‌న్ కార్య‌క్ర‌మాలను చిత్ర యూనిట్ అప్పుడే మొద‌లు పెట్టేశారు. తాజాగా ఒక ఆస‌క్తికర పోస్టర్ విడుద‌ల చేసిన టీం మార్చి 29 ఉద‌యం 9.09ని.ల‌కు మొద‌టి సాంగ్‌ని విడుద‌ల చేయ‌బోతున్న‌ట్టు తెలిపింది.
దేవిశ్రీప్ర‌సాద్ సమకూర్చిన బాణీలు సంగీత ప్రియుల‌ను త‌ప్ప‌క అల‌రిస్తాయ‌ని టీం చెబుతోంది. అయితే పోస్ట‌ర్‌లో మహేష్, అల్లరి నరేష్, పూజా హెగ్డేలు బీచ్ ఒడ్డున నిలుచొని సీరియ‌స్ డిస్క‌ష‌న్ జ‌రుపుతున్న‌ట్టుగా ఉంది. మహర్షి చిత్రాన్ని పీవీపీ, అశ్వనీద‌త్‌, దిల్ రాజు సంయుక్తంగా నిర్మిస్తుండ‌గా, ఇందులో మహేష్ స్నేహితుడి పాత్ర‌లో అల్లరి నరేష్ కనిపించనున్నాడట.
