సినీ నటుడు, ఫిల్మ్ క్రిటిక్ కత్తి మహేష్‌కు పెను ప్రమాదమే తప్పింది. కత్తి మహేష్ ప్రయాణిస్తోన్న కారు ముందుగా వెళుతున్న లారీని ఢీ కొట్టింది. ఈ ప్రమాదంలో కత్తి మహేష్‌కు స్వల్ప గాయాలు అయినట్లు సమాచారం. ఈ ప్రమాదం శుక్రవారం అర్థరాత్రి చోటుచేసుకుంది.
తాజాగా వెలుగులోకి వచ్చిన ఈ వివరాలను పరిశీలిస్తే, నెల్లూరు జిల్లా కొడవలూరు మండలం చంద్రశేఖరపురం జాతీయరహదారిపై ముందు వెళుతున్న లారీని కత్తి మహేష్ ఇనోవా కారు ఢీకొట్టింది.
ఈ ఘటనలో కత్తి మహేష్‌కి స్వల్ప గాయాలు అయ్యాయని తెలుస్తోంది. ప్రస్తుతం నెల్లూరు మెడికేర్ హాస్పటల్లో కత్తి మహేష్ చికిత్స పొందుతున్నారు. అయితే.. ఈ ఘటనలో కత్తి మహేష్ కారు నుజ్జు, నుజ్జు అయింది. ఈ ప్రమాదం ఎలా జరిగిందన్న దానిపై ఇంకా క్లారిటీ రాలేదు. ఈ ఘటనపై వివరాలు తెలియాల్సి ఉంది.
