బిగ్ బాస్ తెలుగు ఫైనల్‌కు చేరుకుంది. నవంబర్ మూడో తేదీన ఫైనల్ జరుగనుంది. ప్రస్తుతం ఫైనల్లో ఎవరు విజేతగా నిలవనున్నారనే దానిపై చర్చ సాగుతోంది. 100 రోజులకు పైగా జరిగిన ఈ షోలో రాహుల్, శ్రీముఖి, బాబా భాస్కర్, వరుణ్ సందేశ్, అలీ రెజా ఫైనల్స్ చేరారు. తమ ఫేవరేట్ కంటిస్టెంట్ల కోసం ప్రేక్షకులు ఓట్లు వేస్తున్నారు.
అయితే తాజాగా ఓ ఫోటో సోషల్ మీడియాలో హల్ చల్ చేస్తోంది. శ్రీముఖి విజేతగా నిలిచిందని ఓ పిక్ వైరల్ అయింది. ఆమె ట్రోఫీని పట్టుకొని నాగార్జునను హగ్ చేసుకున్న పిక్‌ను శ్రీముఖి అభిమానులు షేర్ చేస్తున్నారు. బిగ్ బాస్ గెలిచిన తొలి మహిళ అంటూ కామెంట్స్ కూడా పడుతున్నాయి. ఆదివారం ప్రసారం కావలిసిన షోను ముందే షూట్ చేశారని ఆ షూట్‌లోనే ఈ పిక్ బయటికి వచ్చిందని ఆమె అభిమానులు సోషల్ మీడియాలో షేర్ చేస్తున్నారు. కానీ ఈ పిక్‌లో నిజం లేదని మిగిలిన కంటిస్టెంట్స్ ఫ్యాన్స్ సోషల్ మీడియా వేదికగా కామెంట్లు చేస్తున్నారు. ఇంకా ఈ షోలో గెలిచేది రాహులేనని కామెంట్లు చేస్తున్నారు.
మిగిలిన ఇంటి సభ్యుల అభిమానులు మాత్రం ఈ పిక్ నిజం కాదని షోని గెలిచేది రాహుల్ అని కామెంట్ చేస్తున్నారు. కానీ శ్రీముఖి విజేతగా నిలిచిందని బయటకు వచ్చిన ఫోటో సోషల్ మీడియాను తెగ షేక్ చేస్తోంది. సీజన్-1లో శివ బాలాజీ, రెండో సీజన్‌లో కౌశల్ విజేతగా నిలిచారు. ఇక మూడో సీజన్‌లో మహిళా కంటిస్టెంట్ విజేత కానుందని టాక్ వచ్చేసింది. మరి ఇందులో ఎంతవరకు నిజం వుందో తెలుసుకోవాలంటే.. ఆదివారం వరకు వేచి చూడాల్సిందే.
