బిగ్ బాస్ 4 తెలుగు హౌస్ నుంచి తాజాగా బయటకు వచ్చిన నటి మోనాల్ గజ్జర్. ఇప్పుడు ఈమె వ్యాఖ్యలు చర్చకు దారితీస్తున్నాయి. ప్రధానంగా అభిజిత్ గురించి ఆమె చెప్పిన మాటలు ఇప్పుడు అతని అభిమానుల్లో మరింత కోపం తెప్పిస్తోంది. హౌస్‌లో అభిజిత్ తనతో ప్రవర్తించిన తీరు బాధాకరమంటూ సంచలన వ్యాఖ్యలు చేసింది మోనాల్.
మోనాల్ గజ్జర్, అభిజిత్‌లు బిగ్ బాస్ హౌస్ ప్రేమికులు. అయితే ఒకానొక దశలో మోనాల్ హౌస్ లోనే ఉంటుందని అందరూ భావించారు. చివరలో విజేతగా నిలిచేది కూడా ఆమే అనుకున్నారు. కానీ ఆమె మాత్రం బయటకు వచ్చేసింది.
బయటకు వచ్చిన వెంటనే మోనాల్ కొంతమందితో మాట్లాడుతూ అభిజిత్ ఫ్యాన్స్ నా చెల్లెలు హేమాలికి కొన్ని మెసేజ్‌లు పంపారు. మీ అక్క చాలా తేడా చేస్తోంది. హౌస్‌లో టూమచ్‌గా ప్రవర్తిస్తోంది. నిన్ను, మీ అక్కను చంపేస్తామంటూ సందేశాలు పంపారు.
నా చెల్లి ఈ విషయాన్ని నాకు చెప్పింది. అయితే ఇదే విషయాన్నిహౌస్‌లో అభిజిత్‌ను ప్రశ్నించాను. నీ అభిమానులు నా చెల్లెలికి సందేశాలు పంపుతున్నారు. నువ్వు మన హౌస్ ద్వారా ఒక మెసేజ్‌ను పంపు. వారిని అలా చేయకూడదని చెప్పు అని రిక్వెస్ట్ చేశాను.
కానీ అభిజిత్ అందుకు ఒప్పుకోలేదు. అభిమానులంటే అలాగే ఉంటారు. వారు చెప్పే దాంట్లో తప్పేంటి అంటూ సమర్థించారు. అది చాలా కోపాన్ని తెప్పించింది అంటోంది మోనాల్. అందుకే నేను అభిజిత్ అభిమానులపై పోలీసులకు ఫిర్యాదు చేశానని చెప్పింది.
బిగ్ బాస్ హౌస్ నుంచి బయటకు వచ్చిన వారిలో ఎవరూ కూడా పోలీసు స్టేషన్‌కు వెళ్ళి ఫిర్యాదు చేసిన దాఖలాలు లేవు. మోనాల్ పోలీస్టేషన్లో ఫిర్యాదు చేయడం ఇప్పుడు బిగ్ బాస్ హౌస్ నిర్వాహకులను ఇరకాటంలో పెడుతోంది. ముఖ్యంగా బిగ్ బాస్‌ను మరింత ఇరకాటంలో నెట్టేలా ఉందంటున్నారు విశ్లేషకులు.
