టేస్టీ కుల్ఫీ కోసం కావలసిన పదార్థాలు ఏమిటో చూద్దాం.
పాలు - లీటరు,
పంచదార - అరకప్పు,
కోవా - పావుకప్పు,
యాలకుల పొడి - అరచెంచా,
తరిగిన బాదం, పిస్తా పలుకులు - కొన్ని,
పాల మీగడ - అరకప్పు.
తయారీ...
పొయ్యి వెలిగించి పాన్ పెట్టి పాలు వేడి చేసుకోవాలి. ఈ పాలను మీగడ పేరుకునే వరకూ కలుపుతూ మరిగించాలి. మరిగాక పచ్చి కోవా వేసి బాగా కలపాలి. అది కరిగాక పాల మీగడ కూడా చేర్చి మరోసారి తిప్పాలి. ఆపై పంచదార వేసి కరగనివ్వాలి. చివర్లో యాలకులు పొడి చల్లి దింపేయాలి. ఈ మిశ్రమం చల్లారిన తర్వాత బాదం, పిస్తా తురుము పైన వేసి కుల్ఫీ మౌల్డ్స్ లోకి తీసుకోవాలి. వాటిని అయిదారు గంటలపాటు డీప్ ఫ్రీజర్లో పెట్టాలి. అంతే... చల్లని తీయతీయగా మీకోసం కుల్ఫీ రెడీ.
