భారత టెన్నిస్ క్రీడాకారిణి సానియా మీర్జా జపాన్ రాజధాని టోక్యోలో జరుగనున్న ఒలింపిక్స్ పోటీల్లో పాల్గొననుంది. ఇందులో టెన్నిస్ డ‌బుల్స్ విభాగంలో ఆమె ఆడుతారు. ఈవెంట్‌లో మెడ‌ల్‌పై సోనియాపై భారీ ఆశలే పెట్టుకునివున్నారు.
ఈ నేపథ్యంలో త‌న ఇన్‌స్టాగ్రామ్‌లో పోస్ట్ చేసిన ఓ వీడియో వైరల్ అవుతోంది. ఒలింపిక్స్‌లో ధ‌రించ‌బోయే జెర్సీ వేసుకొని సానియా డ్యాన్స్ చేయ‌డం ఈ వీడియోలో చూడొచ్చు. అమెరిక‌న్ ర్యాప‌ర్ డోజా క్యాట్ లేటెస్ట్ హిట్ కిస్ మి మోర్ సాంగ్‌పై ఆమె డ్యాన్స్ చేసింది.
త‌న పేరులోని ఎ అక్షరానికి త‌న జీవితంలో ఎంతో ప్రాధాన్య‌త ఉంద‌ని ఆమె చెప్పింది. ఎ అంటే అగ్రెష‌న్‌, ఆంబిష‌న్‌, అచీవ్‌, అఫెక్ష‌న్ అని సానియా వివ‌రించింది. ఈ పోస్ట్ చేసిన గంట‌ల్లోనే ల‌క్ష‌కుపైగా లైక్స్ రావ‌డం విశేషం.
గ‌త నెల‌లోనే ఇండియ‌న్ ఒలింపిక్ అసోసియేష‌న్ ఇండియ‌న్ టీమ్ కిట్‌ను లాంచ్ చేసింది. ఈ కిట్‌తోనే మంగ‌ళ‌వారం ప్ర‌ధాని న‌రేంద్ర మోడీతోనూ, మిగ‌తా అథ్లెట్ల‌తో క‌లిసి సానియా మాట్లాడింది.
ఈ సంద‌ర్భంగా భారత టెన్నిస్‌కు సానియా చేసిన సేవ‌ల‌ను మోడీ కొనియాడారు. ఈ మ‌ధ్య జ‌రిగిన వింబుల్డన్లో సానియా ఆడిన విష‌యం తెలిసిందే. టోక్యో ఒలింపిక్స్‌లో ఆమె అంకితా రానాతో క‌లిసి డ‌బుల్స్ బ‌రిలో దిగ‌నుంది.
