దేవీ నవరాత్రులలో రెండవ రోజు శ్రీ బాలత్రిపుర సుందరీ దేవి అవతారంలో అమ్మవారిని పూజించాలి. ఈ రోజు మంగళవారం రావడంతో సాయంత్రం దీపం వెలిగించి లలితా సహస్ర నామాన్ని పఠించాలి.
ఈ రోజు అమ్మవారు త్రిపురా సుందరి అంశ నుండి పుట్టినటువంటి 9 ఏళ్ళ బాలికగా కనిపిస్తారు. శ్రీ బాలత్రిపుర సుందరీ దేవి అమ్మవారు చిన్న వయసులోనే తల్లి సహాకారముతో అనేకమంది రాక్షసుల సంహారము చేసినట్టు చెప్తారు.
ఆశ్వయుజ మాస శుక్ల పక్ష విదియ రోజున అమ్మవారిని శ్రీ బాలత్రిపుర సుందరీ దేవిగా పూజిస్తారు. ఈ రోజు బాలత్రిపుర సుందరి దేవిని ఆకుపచ్చ రంగు వస్త్రంతో అలంకరించాలి. ఈ రోజు అమ్మవారికి తియ్యటి బూందీ, శెనగలు, పాయసం నైవేద్యంగా సమర్పించాలి.
