Publish Date: Wed, 13 Nov 2019 (06:54 IST)
Updated Date: Wed, 13 Nov 2019 (05:40 IST)
ఎట్టకేలకు అసోం అటవీ అధికారులు బిన్ లాడెన్ ను పట్టేశారు. అవును నిజమే అసోం అటవీ అధికారులు పట్టుకున్నది మనుషుల ప్రాణాలను తీసేస్తున్న బిన్ లాడెన్ నే. అయితే ఈ బిన్ లాడెన్ ఒక ఏనుగు.
అసోం గోల్పారా జిల్లాలో స్థానికంగా భయాందోళనలకు గురిచేస్తూ పలువురి ప్రాణాలు హరించేసిన ఓ ఏనుగుకు అక్కడి ప్రజలు ’ఒసామా బిన్ లాడెన్’ అని పేరు పెట్టారు. గత అక్టోబర్లో అసోంలోని గోల్పారా జిల్లాలో ఈ ఏనుగు ఐదుగురిని చంపేసింది.
ఈ కిల్లర్ బిన్ లాడెన్ ను పట్టుకునేందుకు అష్టకష్టాలూ పడ్డారు. ఎప్పుడొస్తుందో, ఎక్కడ నుంచొస్తుందో తెలియకుండా ఒక్కసారిగా జనావాసాలపై దాడి చేసి అందిన వారిని అందినట్లు తొండంతో కొట్టో, కాళ్లతో మట్టి చంపేసి మళ్లీ అడవిలోకి పారిపోయే ఈ ఏనుగును అధికారులు పట్టుకోవడంతో జనం ఊపిరి పీల్చుకుంటున్నారు.
