గోవాలో బ్రిటన్ మహిళ హల్ చల్ సృష్టించింది. బీచ్‌వైపుకు వెళ్తూ.. ఇసుక తిన్నెలపై నడుస్తూ సముద్రం వైపు వెళ్తోంది. ఆ సమయంలో ఓ పోలీస్ సముద్రం వైపు చూశాడు. టూరిస్టులు సముద్రంలో దాటి వెళ్లకూడని ప్రాంతంవైపు వెళ్తూ కనిపించిన బ్రిటిన్ మహిళను చూశాడు. సముద్ర అలల్లోకి దూసుకెళ్లిన బ్రిటన్ మహిళ కోసం పోలీసులు పరుగులు తీశారు.
కానీ అప్పటికే సముద్ర నీటిలో గిలగిలా కొట్టుకుంటున్న ఆ బ్రిటన్ మహిళను పట్టుకున్నారు. ఆమె పోలీసుల నుంచీ విడిపించుకునేందుకు గట్టిగా ప్రయత్నించింది. అయినా పట్టు వదలకుండా పట్టుకొని... బరబరా ఈడ్చుకొని తీరానికి తీసుకొచ్చారు.
పది నిమిషాలపాటూ ఏడ్చిన ఆమె... తర్వాత శాంతపడింది. తర్వాత పోలీసుల వద్ద తన ఆవేదనను చెప్పింది ఆ బ్రిటన్ మహిళ. తన భర్తతో కలిసి... గోవా ట్రిప్‌కి వచ్చాననీ, తనను వదిలేసి, ట్రావెల్ డాక్యుమెంట్లతో వెళ్లిపోయాడని చెప్పింది. అలా మానసికంగా చాలా డిస్టర్బ్ అయి... ఆత్మహత్య చేసుకోవాలనుకుందని పోలీసులు అర్థమైంది. ఆమెకు దాదాపు 50 ఏళ్లుంటాయి. ప్రస్తుతం ఆమెను బ్రిటన్‌కు పంపే దిశగా పోలీసులు చర్యలు తీసుకుంటారు.
