శామ్‌సంగ్ స్మార్ట్‌ఫోన్ అప్‌డేట్ చేసేందుకు నకిలీ యాప్‌ను డౌన్‌లోడ్ చేసుకున్న వారి సంఖ్య ఒక కోటికి చేరింది. ఈ మేరకు వినియోగదారులు ఈ నకిలీ యాప్‌లో ఎలాంటి డేటాను షేర్ చేసుకోవద్దని శామ్‌సంగ్ విజ్ఞప్తి చేసింది. శామ్‌సంగ్ స్మార్ట్‌ఫోన్‌లో ఆండ్రాయిడ్ అప్‌డేట్ చేసేందుకు కోటి మంది కస్టమర్లు ఓ నకిలీ యాప్‌ను డౌన్‌లోడ్ చేసుకుని వున్నారు.
ఆండ్రాయిడ్ అప్‌డేట్ కోసం అందరూ గూగుల్ ప్లే స్టోర్‌ను ఉపయోగిస్తుంటారు. గూగుల్ ప్లే స్టోర్ ద్వారా శామ్‌సంగ్‌ను అప్‌డేట్ చేసేందుకు అంతర్జాతీయ స్థాయిలో కోటి మందికి పైగా నకిలీ యాప్‌ను డౌన్ లోడ్ చేసినట్లు తెలియవచ్చింది. ప్రకటనలు, యాప్ అప్ డేట్ చేసేందుకు చెల్లింపులు అంటూ ఈ నకిలీ యాప్ పలువురిని ఇబ్బందికి గురిచేసింది.
అయితే ఐటీ నిపుణుడు ఒకరు గూగుల్‌కు ఇచ్చిన ఫిర్యాదు మేరరు ప్రస్తుతం గూగుల్ ప్లే స్టోర్ నుంచి ఆ నకిలీ యాప్‌ను తొలగించారు. అయితే శాంసంగ్ సంస్థకు ఏమాత్రం సంబంధం లేని అప్‌డేట్స్ ఫర్ శామ్‌సంగ్ అనే యాప్ వుంది.
స్మార్ట్‌ఫోన్‌లో ఇలాంటి యాప్ వుంటే వెంటనే తొలగించండని సంస్థ వెల్లడించింది. ఈ వార్త సోషల్ మీడియాలో వైరల్ కావడంతో శాంసంగ్ వినియోగదారులు అప్రమత్తమయ్యారు. ఇంకా శాంసంగ్ నుంచి విడుదలయ్యే అన్నీ యాప్‌లూ ఉచితంగానే వినియోగదారులకు అందిస్తుందని.. అందుచేత నకిలీ యాప్‌ల కోసం డబ్బులు చెల్లించకండని సంస్థ హెచ్చరించింది.
