ఎండబెట్టిన ఉసిరిలో ఎన్నో ఆరోగ్య ప్రయోజనాలున్నాయి. ముఖ్యంగా ఉసిరిని ఎండబెట్టిన ముక్కలుగా లేదా ఉసిరి పొడిగా కూడా తీసుకోవచ్చు. ఉసిరిని భోజనం తర్వాత రెండు ముక్కలు తీసుకుంటే ఎన్నో ఆరోగ్య ప్రయోజనాలున్నాయి. ఉసిరికి ఆయుర్వేదంలో ప్రత్యేక స్థానం ఉంది. ఎండబెట్టిన ఉసిరిని రోజూ తీసుకోవడం వలన మెరిసే చర్మం మీ సొంతమవుతుంది. అంతేకాదు కంటి చూపును మెరుగుపరుస్తుంది.
రోగనిరోధక శక్తిని పెంచుతుంది. రక్తంలో చక్కెర స్థాయిని నియంత్రిస్తుంది. మురబ్బా, ఊరగాయలు లేదా క్యాండీలుగా తినండి. ఏ రూపంలోనైనా ఉసిరిని రోజూ రోజూ రెండు ముక్కలు తినడం ద్వారా ఆరోగ్యంగా వుండవచ్చు.
ఉసిరిలో సి విటమిన్ అధికంగా ఉంటుంది. సీజనల్ వ్యాధులైన జలుబు, గొంతునొప్పితో బాధపడుతున్న సమయంలో రెండు టీస్పూన్ల ఉసిరి పొడిని , రెండు టీస్పూన్ల తేనెతో కలిపి.. ఈ మిశ్రమాన్ని రోజుకు మూడు సార్లు తీసుకుంటే.. మంచి ఫలితం ఇస్తుంది. గొంతునొప్పి, జలుబు నుంచి ఉపశమనం లభిస్తుంది.
ఉసిరి పొడిని నీటిలో కలిపి తీసుకోవచ్చు. లేదా ఉసిరి రసాన్ని అరకప్పు నీటిలో వేసి.. ఆ నీటితో పుక్కిలి పడితే.. నోటి పూతనుంచి ఉపశమనం లభిస్తుంది. ఆర్థరైటిస్ సంబంధిత నొప్పిని తగ్గించడంలో ఉసిరి మంచి సహాయకారి. ఎండిన ఉసిరిని రోజూ రెండు చొప్పున తినండి. ఆరోగ్య రక్షణలో అద్బుతంగా పని చేస్తుంది. తేనె , ఎండిన ఉసిరిని తీసుకోవడం వలన శరీరంలో కఫ దోషాలను తగ్గించుకోవచ్చునని ఆయుర్వేద నిపుణులు చెప్తున్నారు.
