వివాహేతర సంబంధం ఓ యువకుడి ప్రాణాల మీదికి తెచ్చింది. భర్తతో విడిపోయి దూరంగా వుంటున్న వివాహితతో అక్రమ సంబంధం పెట్టుకున్న యువకుడు ఆమె ఆగ్రహానికి తన ప్రైవేటు పార్టును కోల్పోయాడు.
వివరాల్లోకి వెళితే... జార్ఖండ్ రాష్ట్రంలోని తారాతండ్ గ్రామానికి చెందిన వివాహిత తన భర్తతో మనస్పర్థలు వచ్చి కొన్నేళ్లుగా ఒంటరిగా వుంటోంది. ఈ క్రమంలో అదే గ్రామానికి చెందిన యువకుడు సుశీల్ ఆమెను పరిచయం చేసుకున్నాడు. అది కాస్తా వివాహేతర సంబంధానికి దారితీసింది. ఇటీవల తనను పెళ్లి చేసుకోవాలంటూ వివాహిత యువకుడిని బలవంతం చేసింది. అందుకు అతడు ససేమిరా అంటూ ముఖం చాటేసాడు.
తనను లోబరుచుకుని పెళ్లి చేసుకోకుండా మోసం చేసాడని ఆగ్రహం చెందిన వివాహిత అతడిపై కసి పెంచుకున్నది. పెళ్లికి అంగీకరించనందుకు అతడికి శిక్ష వేయాలని నిర్ణయించుకుంది. ప్రైవేటుగా కలుద్దాము రమ్మని అతడికి ఫోన్ చేయడంతో ఆ యువకుడు వెనకాముందు ఆలోచించకుండా వచ్చి ఆమెతో సరసాలు పోవడం మొదలుపెట్టాడు. అదనుకోసం ఎదురుచూసిన మహిళ తన వద్ద వున్న బ్లేడుతో అతడు ప్రైవేటు భాగాన్ని కోసేసింది. దాంతో అతడికి తీవ్ర రక్తస్రావమై స్పృహతప్పి అక్కడే పడిపోయాడు. మరణించాడని అనుకున్న మహిళ నేరుగా వెళ్లి పోలీసు స్టేషనులో విషయం చెప్పి లొంగిపోయింది.
