రిలయన్స్ 46వ వార్షిక సమావేశం ఆగస్టు 28వ తేదీన జరుగనుంది. ఈ సందర్భంగా కంపెనీ అభివృద్ధి కోసం చర్చ సాగనుంది. రిలయన్స్ ఛైర్మన్ ముఖేష్ అంబానీ, జియో ఫైనాన్షియల్ సర్వీసెస్, రాబోయే JioPhone 5G, Jio 5G ప్లాన్‌లపై కీలక అప్డేట్‌లను ఆవిష్కరించేందుకు ఈ సమావేశం వేదిక కానుంది.
ఈ సందర్భంగా JioPhone 5G ఈ నెలలో ఆవిష్కృతం అయ్యే అవకాశం వున్నట్లు తెలుస్తోంది. అయితే తేదీ, ధర, ఫీచర్లు ఇంకా వెల్లడి కాలేదు. ఈ ఫోన్ ధర రూ.8వేల నుంచి రూ.10వేల రూపాయల మధ్య వుండవచ్చు. ఖచ్చితమైన ధర పరిధి ఇంకా వెల్లడి కాలేదు.
ఇది నిజమని తేలితే, ఇది భారతదేశంలో అత్యంత చౌకగా 5G ఫోన్ లభ్యమవుతుంది. హ్యాండ్‌సెట్ ధర రూ. 15,000 కింద ఉండే అవకాశాలు ఉన్నాయి.
JioPhone 5G: ఊహించిన స్పెసిఫికేషన్లు
మోడల్ నంబర్ Jio LS1654QB5తో గీక్‌బెంచ్ వెబ్‌సైట్‌లో పరికరం ఇప్పటికే గుర్తించబడింది. కొత్త JioPhone 4GB RAM బేస్ వేరియంట్‌తో రావచ్చని జాబితా వెల్లడించింది. Qualcommతో కంపెనీ భాగస్వామ్యాన్ని అంబానీ ఇప్పటికే ధృవీకరించారు. అంటే JioPhone 5G హుడ్ కింద స్నాప్‌డ్రాగన్ చిప్‌సెట్‌ను ఉపయోగిస్తుందని ఆశించవచ్చు.
చిప్‌సెట్ పేరు అధికారికంగా వెల్లడికావలసి ఉండగా, రాబోయే JioPhone 5G Qualcomm Snapdragon 480+ ప్రాసెసర్ ద్వారా శక్తిని పొందవచ్చునని అంచనా. ఈ హ్యాండ్‌సెట్ Android 13 OSతో పనిచేస్తుంది. JioPhone 5G 6.5-అంగుళాల HD+ LCD 90Hz స్క్రీన్, 5,000mAh బ్యాటరీ, 13-మెగాపిక్సెల్ డ్యూయల్ రియర్ కెమెరా సెటప్‌ను కలిగి ఉండవచ్చు.
ఫ్రంట్ భాగంలో, సెల్ఫీల కోసం 8-మెగాపిక్సెల్ సెన్సార్ ఉండవచ్చు. కనీసం 18W ఛార్జింగ్‌కు కంపెనీ సపోర్ట్‌ను అందిస్తుంది. ఆగస్ట్ చివరిలో రిలయన్స్ వివరాలను ధృవీకరించే అవకాశం ఉన్నందున స్మార్ట్‌ఫోన్ యొక్క ఖచ్చితమైన స్పెసిఫికేషన్‌లను తెలుసుకోవడానికి మనం మరికొంత కాలం వేచి ఉండవలసి ఉంటుంది.
రిలయన్స్ ఏజీఎం ఈవెంట్‌లో ఇతర ప్రకటనలు విడుదలయ్యే అవకాశం వుంది. ఇందులో జియో ఎయిర్ ఫైబర్ సేవకు సంబంధించిన ప్రత్యేకతల ఆవిష్కరణ కూడా ఉండవచ్చు.
