Select Your Language

Notifications

webdunia
webdunia
webdunia
webdunia
Advertiesment

బౌలర్లకు చుక్కలు చూపిన యూనివర్శల్ స్టార్

బౌలర్లకు చుక్కలు చూపిన యూనివర్శల్ స్టార్
, మంగళవారం, 30 జులై 2019 (11:43 IST)
మాంట్రియల్ బౌలర్లకు యూనివర్శల్ స్టార్‌గా గుర్తింపు తెచ్చుకున్న క్రిస్ గేల్ చుక్కలు చూపించాడు. కేవలం 54 బంతుల్లో ఏకంగా 122 పరుగులు చేశాడు. ఇందులో 12 సిక్సర్లూ, ఏడు ఫోర్లు ఉన్నాయి. 
 
ప్రస్తుతం కెనడాలో గ్లోబల్‌ టీ-20 పోటీలు జరుగుతున్నాయి. ఈ పోటీల్లో వాంకోవర్ నైట్స్‌ తరపున క్రిస్ గేల్ ఆడుతున్నాడు. ఈ పోటీల్లో భాగంగా, సోమవారం జరిగిన మ్యాచ్‌లో 54 బంతుల్లో 122 పరుగులు చేశాడు. 
 
ఈ మ్యాచ్‌లో మాంట్రియల్ టైగర్స్ బౌలర్లకు చుక్కలు చూపిస్తూ, ఆకాశమే హద్దుగా గేల్ సాగిపోయాడు. తొలి వికెట్‌‌కు విస్సేతో కలిసి 63 పరుగులు, రెండో వికెట్‌కు చెడ్విక్‌ వాల్టన్‌‌తో కలిసి 139 పరుగుల భాగస్వామ్యాన్ని క్రిస్ గేల్ నెలకొల్పాడు. దీంతో వాంకోవర్ జట్టు 20 ఓవర్లలో 276 పరుగుల భారీ స్కోర్ ను నమోదు చేసింది. 
 
టీ-20 చరిత్రలో ఇదే అత్యధిక స్కోరు. గత సంవత్సరం ఐర్లాండ్‌తో జరిగిన మ్యాచ్‌లో ఆఫ్గనిస్థాన్ జట్టు 278 పరుగులు చేయగా, అదే ప్రస్తుతానికి క్రికెట్ చరిత్రలో అత్యధిక స్కోరు. అయితే, గేల్ గర్జించిన తర్వాత, వరుణుడు ఉరుములు, మెరుపులతో విరుచుకుపడటంతో, మ్యాచ్ ఫలితం తేలకుండా పోయింది. దీంతో వాంకోవర్ జట్టు సభ్యులు తీవ్ర నిరాశకు లోనయ్యారు. 

Share this Story:

Follow Webdunia telugu

తర్వాతి కథనం

ఆడై సినీఫక్కీలో కిడ్నాప్ చేసి నగ్నంగా బంధించారు.. కానీ తెలివిగా బయటపడింది..