భారత రక్షణ శాఖలో ఉద్యోగ అవకాశాల కోసం నోటిఫికేషన్ జారీ అయింది. ఈ నోటిఫికేషన్ ప్రకారం 139వ టెక్నికల్ గ్రాడ్యుయేట్ కోర్సు ద్వారా ఇంజనీరింగ్ ఉద్యోగాలను భర్తీ చేయనున్నారు పూర్తి వివరాలను htpp://joinindiaarmy.nic.in అనే వెబ్‌సైట్‌లో చూసుకుని, ఈ నెల 26వ తేదీ లోపు దరఖాస్తు చేసుకోవాల్సి ఉంటుంది.
కంప్యూటర్ సైన్స్, మెకానికల్, సివిల్స్ కేటగిరీల్లో ఏడు చొప్పున పోస్టులు భర్తీ కానున్నాయి. ఎలక్ట్రికల్ 3, ఎలక్ట్రానిక్స్ 4, ఆర్కిటెక్చర్ 2 చొప్పున ఈ పోస్టులు ఉన్నాయి. ఈ పోస్టులకు దరఖాస్తు చేసుకోదలచిన అభ్యర్థుల వయస్సు 2024 జూలై ఒకటో తేదీ నాటికి 20 నుంచి 27 యేళ్ల మధ్యలో ఉండాలి. రిజర్వు కేటగిరీ అభ్యర్థులకు ప్రభుత్వ నిబంధనల ప్రకారం గరిష్ట వయోపరిమితో సడలింపు ఉంటుంది. ఇంజనీరింగ్ చివరి సంవత్సరం చదువుతున్న విద్యార్థులు కూడా దరఖాస్తు చేసుకోవచ్చు.
ఇంటర్వ్యూ ఇంజనీరింగ్ కోర్సులో సాధించిన మార్కుల ఆధారంగా మెరిట్ లిస్ట్ సిద్ధం చేసి తద్వారా చేపడుతారు. ఈ టెక్నికల్ గ్యాడ్యుయేట్ కోర్సుకు ఎంపికయ్యే అభ్యర్థులకు జీతం నెలకు రూ.56 వేల నుంచి రూ.2.50 లక్షల వరకు చెల్లిస్తారు. ఇతర అలవెన్సులు ప్రయోజనాలు ఉన్నాయి. ఈ పోస్టులకు ఇండియన్ ఆర్మీ వెబ్‌సైట్‌కెళ్లి దరఖాస్తు చేసుకోవాల్సి ఉంటుంది.
