వేసవికాలంలో ఎండ వేడిమి కారణంగా చర్మం పొడిబారి కమిలిపోతుంది. ముఖ్యంగా చెమటకు తట్టుకోలేకపోతుంటారు. చర్మ సంరక్షణకు కొన్ని చిట్కాలు పాటిస్తే వీటన్నింటి నుండి ఉపశమనం లభిస్తుంది. మరి ఆ చిట్కాలేంటో తెలుసుకుందాం..
పెరుగు, తేనె ఫేస్‌ప్యాక్:
చర్మం పీహెచ్‌ను తగ్గించేందుకు పెరుగులో స్పూన్ తేనెను కలుపుకుని దానికి కొద్దిగా అరటిపండు గుజ్జు కలిపి ముఖానికి రాసుకుని పావుగంట తర్వాత శుభ్రంగా కడుక్కోవాలి. పెరుగులోని విటమిన్ సి, జింక్, క్యాల్షియం చర్మాన్ని శుభ్రం చేస్తాయి. అరటిలోని లెప్టిన్ ప్రోటీన్ చర్మం మీద ఎర్రటి మచ్చలు ఏర్పడడాన్ని నివారిస్తుంది.
నిమ్మ, టమోటా ఫేస్‌ప్యాక్:
వేసవి కారణంగా చర్మం రకరకాల చర్మ సమస్యలు ఎదుర్కోవలసి వస్తుంది. ఆ సమస్యల నుండి ఉపశమనం లభించాలంటే.. నిమ్మరసంలో కొద్దిగా టమోటా రసం కలిపి పేస్ట్‌లా తయారుచేసుకోవాలి. ఈ మిశ్రమాన్ని ముఖానికి రాసుకుని పావుగంట తర్వాత కడిగేయాలి. నిమ్మలోని విటమిన్ సి చర్మం పీహెచ్‌ను సాధారణ స్థాయికి తీసుకొస్తుంది. టమోటా రసం చర్మాన్ని మృదువుగా మారుస్తుంది.
దానిమ్మ గింజలు, తేనె ఫేస్‌ప్యాక్:
సున్నితమైన చర్మం కోసం దాన్మిమ్మ గింజలు, స్పూన్ తేనె కలిపిన మిశ్రమాన్ని ముఖం, మెడభాగంలో రుద్దుకుని, అరగంట తర్వాత రోజ్‌వాటర్‌తో కడిగేసుకోవాలి. దానిమ్మలోని విటమిన్ సి చర్మాన్ని యవ్వనంగా ఉంచుతుంది.
