విద్యార్థినిని దుస్తులు తొలగించాలని బలవంతం : డీఎస్ తనయుడిపై ఫిర్యాదు

తెలంగాణ రాష్ట్ర సమితి చెందిన సీనియర్ నేత, రాజ్యసభ సభ్యుడు ధర్మపురి శ్రీనివాస్ (డీఎస్) కుమారుడు సంజయ్ తమను లైంగికంగా వేధిస్తున్నాడంటూ పలువురు విద్యార్థినిలు ఆరోపిస్తున్నారు. ఈ మేరకు వారు తెలంగాణ రాష్ట్

తెలంగాణ రాష్ట్ర సమితి చెందిన సీనియర్ నేత, రాజ్యసభ సభ్యుడు ధర్మపురి శ్రీనివాస్ (డీఎస్) కుమారుడు సంజయ్ తమను లైంగికంగా వేధిస్తున్నాడంటూ పలువురు విద్యార్థినిలు ఆరోపిస్తున్నారు. ఈ మేరకు వారు తెలంగాణ రాష్ట్ర హోం మంత్రి నాయిని నర్సింహా రెడ్డికి ఫిర్యాదు చేశారు కూడా.

నిజామాబాద్‌లోని శాంకరీ కాలేజ్ ఆఫ్ నర్సింగ్‌లో బీఎస్సీ నర్సింగ్ మొదటి సంవత్సరం చదువుతున్న తమను సంజయ్ కొద్దిరోజులుగా లైంగిక వేధింపులకు గురిచేస్తున్నట్టు ఫిర్యాదులో పేర్కొన్నారు. బాధిత విద్యార్థినులు వారి తల్లిదండ్రులు, పీవోడబ్ల్యూ సంధ్యతో కలిసి గురువారం సచివాలయంలోని చాంబర్‌లో హోంమంత్రిని కలిసి ఈ మేరకు ఫిర్యాదు అందజేశారు. 

కాలేజీలో చేరిన కొంతకాలానికే మహిళా ప్రిన్సిపాల్‌ను మాన్పించారని, నాటినుంచి తమను కాలేజీ హాస్టళ్లకు రావాలని సంజయ్ ఒత్తిడి తెచ్చేవాడని విద్యార్థినులు ఫిర్యాదులో పేర్కొన్నారు. జూలై 26వ తేదీన ఓ విద్యార్థినిని ఇంటికి తీసుకెళ్లి దుస్తులు తొలిగించాలని బలవంతం చేశాడని, అసభ్య పదజాలంతో బెదిరించాడని, మరో విద్యార్థినిని గదిలో బంధించాడని అందులో పేర్కొన్నారు.