చైనా యువతి తమిళంలో మాట్లాడి అదరగొట్టేసింది.. చైనా వాల్ గురించి?

చైనీయులు తమ భాషకే ప్రాధాన్యత ఇస్తారు. ఇంటర్నెట్ కూడా వారి భాషలోనే వుంటుంది. అందుకే ఐటీలో వారు వెనకబడ్డారని నిపుణులు అంటుంటారు. అయితే ప్రస్తుతం సీన్ మారింది. విదేశీ భాషలపై పట్టు సాధించేస్తున్నారు. అందు

చైనీయులు తమ భాషకే ప్రాధాన్యత ఇస్తారు. ఇంటర్నెట్ కూడా వారి భాషలోనే వుంటుంది. అందుకే ఐటీలో వారు వెనకబడ్డారని నిపుణులు అంటుంటారు. అయితే ప్రస్తుతం సీన్ మారింది. విదేశీ భాషలపై పట్టు సాధించేస్తున్నారు. అందుకు ఈ రిపోర్టింగ్ ఉదాహరణ. వివరాల్లోకి వెళితే.. మోనికా అనే చైనా యువతి తమిళంలో మాట్లాడి అదరగొట్టేసింది. 

గ్రేట్ వాల్ ఆఫ్ చైనా గురించి తమిళంలో వివరించింది. చాలా స్పష్టంగా ఎక్కడా తేడా రాకుండా.. అనర్గళంగా 3 నిమిషాలు వివరిస్తూ ఉంటుంది. మధ్యలో గోడ, దాని వెనక ఉన్న కొండ క్లియర్‌గా చెప్పింది. టూరిజం గైడ్‌లో భాగంగా ఈ వీడియో చిత్రీకరించారు. ఈ చైనా యువతి, తమిళ భాషలో వివరించిన విధానానికి తమిళులు ఫిదా అయిపోయారు.

మాతృభాషలో కాకుండా ఇతర భాషలో ఇంత స్పష్టంగా వివరించటం అంతా ఈజీ కాదంటూ మహీంద్రా కంపెనీ చైర్మన్ ఆనంద్ మహీంద్రా తన ట్విట్టర్ ద్వారా ఈ వీడియో షేర్ చేశారు. అంతేగాకుండా గ్రేట్ వాల్ ఆఫ్ తమిళ్ అంటూ కీర్తించటంతో.. తమిళుల ఆనందానికి అవదుల్లేవు. ఈ వీడియో ప్రస్తుతం వైరల్ అవుతోంది.