రథ సప్తమి రోజున శ్రీకాకుళంలోని తిరుమల, అరసవల్లి సూర్యనారాయణ స్వామి ఆలయాల్లో ప్రత్యేక పూజలు నిర్వహించారు. వీఐపీ అతిథులలో గాయని మంగ్లీ కూడా ఉన్నారు. ఆమె ఎంపీ రామ్ మోహన్ నాయుడు పక్కన నిలబడి మీడియాతో మాట్లాడుతూ కనిపించింది. ఇది చాలా మందిని ఆశ్చర్యపరిచింది.
మంగ్లీ వైఎస్సార్సీపీ సానుభూతిపరురాలు లేదా కనీసం ఈ రోజుకు ముందు కూడా ఉన్నారు. కానీ ఆమె ఎంపీ ప్రోటోకాల్‌లో ప్రత్యేక దర్శనం ఎలా పొందారనే దానిపై టీడీపీ అనుచరులు ఆగ్రహం వ్యక్తం చేస్తున్నారు. జగన్ హయాంలో మంగ్లీ టీటీడీ ఛానల్‌కు సలహాదారుగా ఉన్నారు.
ఆమె జగన్ కోసం పాటలు పాడేది. అయితే ఏపీ సీఎం చంద్రబాబు కోసం ఆమె పాటలు పాడేందుకు నిరాకరించింది. అయితే ప్రస్తుతం టీడీపీ నేతలు మంగ్లీకి ప్రత్యేక ఆదరణ ఇస్తున్నట్లు తెలుస్తోంది. సింగర్ మంగ్లీ సార్వత్రిక ఎన్నికల సమయంలో వైసీపీకి ప్రచారం చేశారు. ఎన్నికల ప్రచారంలో టీడీపీ పాటలు పాడమంటే పాడలేదని అలాంటి మంగ్లీని కేంద్ర మంత్రి రామ్మోహన్ నాయుడు దర్శనానికి ఎలా తీసుకెళ్తారంటూ తెలుగు తమ్ముళ్లు ప్రశ్నిస్తున్నారు.
చంద్రబాబు పేరు పలకనన్న మంగ్లీ ఇప్పుడు వీఐపీ అయిపోయిందని.. పార్టీ కోసం 40 ఏళ్ల కష్టపడ్డ కార్యకర్తలు మీకు వీఐపీలు కాలేకపోయారంటూ కార్యకర్తలు తమ అసంతృప్తిని వ్యక్తం చేస్తున్నారు. రథ సప్తమి రోజున అరసవల్లి సూర్యదేవాలయానికి వచ్చిన సింగర్ మంగ్లీని రామ్మోహన్ నాయుడు తన కుటుంబంతో పాటు వెంట తీసుకెళ్లి దర్శనం చేయించడం తెలుగు తమ్ముళ్లు జీర్ణించుకోలేకపోతున్నారు.
ఇకపోతే.. అరసవల్ల సూర్యనారాయణ స్వామిని దర్శనం చేసుకున్న సింగర్ మంగ్లీ భావోద్వేగానికి గురయ్యారు. తనకు మళ్లీ జన్మ ఉంటే శ్రీకాకుళంలో పుట్టాలని ఉందంటూ మంగ్లీ కామెంట్ చేశారు. ఈ సందర్భంగా సూర్యభగవానుడిపై అన్నమయ్య రాసిన కీర్తనను మంగ్లీ ఆలపించారు.
