సేమియాతో ఉప్మాలు, పాయాసాలు వంటి వాటినే ఎక్కువగా చేస్తుంటారు. ఇంట్లోని చిన్నారులు వీటిని తినడానికి అసలు ఇష్టపడరు. అందువలన సేమియాను ఇడ్లీల్లా చేసిస్తే తప్పకుండా తింటారు. మరి సేమియాతో ఇడ్లీ ఎలా చేయాలో చూద్దాం..
కావలసిన పదార్థాలు:
సేమియా - 2 కప్పులు
ఇడ్లీ రవ్వ - పావు కప్పు
పెరుగు - 1 కప్పు
కొత్తిమీర - అరకట్ట
ఆవాలు - పావుస్పూన్
శెనగపప్పు - అరస్పూన్
మినపప్పు - అరస్పూన్
జీడిపప్పు - 10
పచ్చిమిర్చి - 3
అల్లం ముక్క - చిన్నది
కరివేపాకు - 2 రెమ్మలు
ఉప్పు - తగినంతా
నూనె - సరిపడా.
తయారీ విధానం:
ముందుగా బాణలిలో నూనెను పోసి వేడయ్యాక సేమియా, రవ్వను విడివిడిగా వేయించుకోవాలి. మరో బాణలిలో ఆవాలు, శెనగపప్పు, మినపప్పు వేసి వేయించి ఆ తరువాత పచ్చిమిర్చి, జీడిపప్పు, అల్లం, కరివేపాకు వేసి వేయించుకోవాలి. ఈ మిశ్రమంలో సేమియా, ఉప్పు, కొత్తిమీర, పెరుగు, కొద్దిగా నీళ్ళు పోసి కాసేపు ఉడికించుకోవాలి. సేమియా గట్టిపడిన తరువాత దానిని ఇడ్లీ పాత్రలో వేసుకుని 10 నిమిషాల పాటు ఉడికించి తీసుకుంటే వేడివేడి సేమియా ఇడ్లీ రెడీ.
