కొందరికి నిద్ర సరిగ్గా పట్టదు. అందుకు వైద్య చికిత్సలు రకరకాల మందులు వాడుతుంటారు. అయినా కూడా ఎటువంటి లాభం లేదని బాధపడుతుంటారు. ఇలా చేస్తే తప్పకుండా మంచి నిద్రపడుతుంది. ఎలా అంటే.. ఉల్లిపాయను నీటిలో వేసి వేడి చేసుకోవాలి. ఆ నీటిలో కొద్దిగా చక్కెర కలుపుకుని తీసుకుంటే నిద్రలేమి సమస్య నుండి వెంటనే ఉపశమనం లభిస్తుంది.
అలానే ఉల్లిపాయలను పేస్ట్‌లా తయారుచేసుకుని అందులో కొద్దిగా ఉప్పు వేసి గోరువెచ్చని నీటిలో ఈ మిశ్రమం కలిపి తీసుకుంటే అనారోగ్య సమస్యలు దరిచేరవని ఆయుర్వేద నిపుణులు సూచిస్తున్నారు. మరి ఇటువంటి ఉల్లిపాయలతో మసాలా ఎలా చేయాలో తెలుసుకుందాం.
కావలసిన పదార్థాలు:
ఉల్లిపాయలు - 3
పచ్చిమిర్చి - 3
వెల్లుల్లి రెబ్బలు - 4
టమోటాలు - 3
పసుపు - కొద్దిగా
కొబ్బరినూనె - 2 స్పూన్స్
జీలకర్ర - 1 స్పూన్
మెంతులు - 1 స్పూన్
అల్లం - చిన్నముక్క
ఆవాలు - 1 స్పూన్
కరివేపాకు - 2 రెమ్మలు
కొత్తిమీర - 1 కప్పు
ఉప్పు - సరిపడా
గరం మసాలా - 1 స్పూన్.
తయారీ విధానం:
ముందుగా బాణలిలో నూనెను వేడిచేసుకుని ఆవాలు, జీలకర్ర, మెంతులు వేసి కాసేపు వేయించి తరువాత ఉల్లిపాయలు, కరివేపాకు, పచ్చిమిర్చి వేసి 5 నిమిషాల పాటు వేయించుకోవాలి. ఇప్పుడు ఆ మిశ్రమంలో అల్లం, వెల్లుల్లి వేసి కాసేపు వేయించి టమోటా ముక్కలు వేసి బాగా కలుపుకోవాలి. ఆ తరువాత కారం, గరం మసాలా, ఉప్పు, కొత్తిమీర వేసి 3 నిమిషాల పాటు వేయించుకుంటే ఘుమఘుమలాడే ఆనియన్ మసాలా రెడీ.
