బాలీవుడ్ అందాలతార ఐశ్వర్యా రాయ్. ఈమెకున్న క్రేజ్ గురించి ప్రత్యేకంగా చెప్పనక్కర్లేదు. పైగా, ఐశ్వర్య అందాన్ని చూస్తే ఆడోళ్ళే కుళ్ళుకుంటారు. అందమంటే అలా ఉండాలంటూ ఆమెను ఉదాహరణగా చెపుతుంటారు. అందుకే, ఆమెకు విరీతమైన ఫాలోయింగ్ ఉంది.
పైపెచ్చు.. సినీ ఇండస్ట్రీలో కూడా ఎంతో డిమాండ్ ఉంది. ఇక ఆమె పోలికలతో ఎవరైనా వున్నారంటే.. ఆ అమ్మాయిలకు కూడా ఇట్టే క్రేజ్ వచ్చేస్తుంది. పైపెచ్చు ఫ్యాన్స్ ఫాలోయింగ్ కూడా పెరిగిపోతూ ఉంటుంది. ఇప్పుడు అమృత విషయంలోనూ అదే జరుగుతోంది.
ఇంతకీ ఈ అమృత ఎవరన్నదే కదా మీ సందేహం. ఆమె ఓ కేరళ రాష్ట్రానికి చెందిన ఓ అమ్మాయి. ఐశ్వర్య పోలికలు బాగా కనిపిస్తాయి. అందుకే, ఆమె టిక్ టాక్‌లో ఓ వీడియో పోస్ట్ చేస్తే చాలు.. ఆ వెంటనే విపరీతమైన వ్యూస్ వస్తాయి.
గతంలో ఐశ్వర్య నటించిన దక్షిణాది సినిమాలలోని పాటల్ని, సీన్స్‌నీ అనుకరిస్తూ ఈ చిన్నది వీడియోలు తీసుకుని టిక్ టాక్‌లో పోస్ట్ చేస్తుంటుంది. ఇప్పుడు ఆ పోలికలే అమృతకు సినిమాలలో అవకాశం వచ్చేలా చేశాయి.
'పికాసో' పేరిట సునీల్ దర్శకత్వంలో రూపొందే మలయాళ చిత్రంలో అమృత హీరోయిన్‌గా నటించే ఛాన్స్ వరించింది. మరి, ఐశ్వర్య పోలికలు ఈ చిన్నదానికి మరెన్ని ఆఫర్లు తెస్తాయో చూడాలి! మొత్తంమీద.. అమృత చేసిన ఓ టిక్ టాక్ వీడియో ఇపుడు ఆమె దశనే మార్చివేసిందని చెప్పొచ్చు.
