లగడపాటి షాకింగ్ సర్వే... తెలంగాణలో కాంగ్రెస్ ప్రభుత్వమా...?

కాంగ్రెస్ పార్టీ ఎంపీ పదవికి రాజీనామా చేసి దాదాపుగా రాజకీయ సన్యాసం చేస్తున్న లగడపాటి రాజగోపాల్ దక్షిణాది రాష్ట్రాల్లో ఎక్కడైనా ఎన్నికల నగారా మోగితే వెంటనే సర్వే మొదలెట్టేస్తారు. తాజాగా తెలంగాణలోనూ సర్వే చేశారట. మరి ఇది లగడపాటి సర్వేనా లేదంటే మరెవరి స

కాంగ్రెస్ పార్టీ ఎంపీ పదవికి రాజీనామా చేసి దాదాపుగా రాజకీయ సన్యాసం చేస్తున్న లగడపాటి రాజగోపాల్ దక్షిణాది రాష్ట్రాల్లో ఎక్కడైనా ఎన్నికల నగారా మోగితే వెంటనే సర్వే మొదలెట్టేస్తారు. తాజాగా తెలంగాణలోనూ సర్వే చేశారట. మరి ఇది లగడపాటి సర్వేనా లేదంటే మరెవరి సర్వేనో తెలియదు. కానీ అంతా లగడపాటి సర్వే అంటూ సోషల్ నెట్వర్కింగ్ సైట్లలో షేర్ చేసుకుంటున్నారు. ఆ వివరాలను చూస్తే షాక్ అవ్వాల్సిందే. 

కాంగ్రెస్ పార్టీ 61 స్థానాలు దక్కించుకుని అతిపెద్ద పార్టీగా అవతరిస్తుందట. అలాగే అధికార పార్టీ తెరాసకు కేవలం 39 సీట్లు మాత్రమే వస్తాయట. ఇక ఎంఐఎంకి 7, తెదేపా 3, భాజపా 3, సీపీఐ 2, సీపీఎం 1, ఇతరులు 3 స్థానాల్ల గెలుస్తారట. మొత్తమ్మీద తెలంగాణలో తదుపరి ప్రభుత్వాన్ని కాంగ్రెస్ పార్టీ హస్తగతం చేసుకుంటుందట. అసలు లెక్క తేలాలంటే ఎన్నికలు జరిగి ఆ ఫలితాలు వచ్చేవరకూ ఆగాల్సిందే.