తమిళ హీరో అజిత్ కుమార్ కొన్నిరోజులుగా దుబాయ్‌లో జరుగుతున్న దుబాయ్ 24 హెచ్ కార్ రేస్‌లో తన టీంతో కలిసి భారతదేశానికి ప్రాతినిధ్యం వహిస్తున్నారు. తాజాగా ఆదివారం జరిగిన 24 హెచ్ కార్ రేసింగ్ పోటీల్లో అజిత్ టీం విజయాన్ని అందుకుంది. హోరా హోరిగా సాగిన ఈ రేసింగ్‌లో ఆయన టీం 901 పాయింట్లు సాధించి 3వ స్థానంలో నిలిచింది.
ఇటీవల జరిగిన ప్రమాదంలో స్వల్ప గాయాలతో బయటపడిన అజిత్.. ఎలాంటి ఇబ్బంది లేకుండా రేసులో పాల్గొని విజయం సాధించారు. దీంతో ఆయనకు స్పిరిట్ ఆఫ్ రేస్ అనే అవార్డును అందించింది టీమ్. ఈ సందర్భంగా అజిత్‌కు పలువురు సినీ ప్రముఖుల సోషల్ మీడియాలో అభినందనలు తెలుపారు. దీనికి సంబంధించిన వీడియో ఒకటి ఇపుడు సోషల్ మీడియాలో వైరల్ అయిన విషయం తెల్సిందే.
