మోకాళ్లు, కీళ్లనొప్పులు వేధిస్తున్నాయా.. అయితే ఆస్పత్రికి వెళ్లక్కర్లేదు.. రోడ్డుపై వున్న ఈ దేవతను మొక్కితే చాలు అంటున్నారు.. కన్నడ ప్రజలు. ఇదేంటి వింతగా వుందే అనుకునేరు. అయితే ఇది నిజం. అసలు విషయానికి వెళ్తే.. మోకాళ్లు, కీళ్ల నొప్పులు వస్తే ఆస్పత్రికి వెళ్లడమో.. మందులు వాడటమో చేస్తుంటాం.
కానీ కర్ణాటక చామరాజనగర్ ప్రజలు మాత్రం జాతీయ రహదారిపై ఉన్న రాయి దగ్గరకు వెళుతున్నారు. ఆ రాయికి మొక్కితే కీళ్ల నొప్పులు, మోకాళ్ల నొప్పులు తగ్గుతాయట. యలందూర్ నుంచి మాంపల్లి వైపు వెళ్తున్న జాతీయ రహదారిపై ఓ రాయి చాలా ఏళ్లుగా ఉంది.
మోకాళ్ల, నడుము, కీళ్ల నొప్పులతో బాధపడేవారు ఇక్కడికి వచ్చి పూజలు చేస్తే వారి ఆరోగ్య సమస్యలు తీరుతాయని విశ్వాసం. ఈ మార్గం గుండా ప్రయాణించే వాహనదారులు, కూలీలు సైతం ఇక్కడకు దిగి మొక్కుతున్నారు. అక్కడ నారికల్లు మారమ్మ అనే దేవత ఉందని స్థానికులు నమ్ముతారు.
