నగ్నంగా ప్రయాణించాలనే కోరికతో ఎయిర్‌పోర్ట్‌లో బట్టలు లేకుండా తిరుగుతున్న వ్యక్తిని పోలీసులు అరెస్టు చేశారు. ఈ ఘటన రష్యాలో జరిగింది. శరీరంపై బట్టలు లేకుండా ప్రయాణించడం చాలా సుఖవంతంగా, సౌకర్యంగా ఉంటుందని ప్రయాణికుడు చెప్పడం విశేషం. అతడు రష్యాలోని యకుస్త్య ప్రాంతానికి చెందిన వ్యక్తిగా గుర్తించారు.
ఆ ప్రయాణికుడు మద్యం సేవించలేదని, పోలీసుల మందలింపు తర్వాత మానసిక చికిత్స కోసం ఆ ప్రయాణికుడ్ని విమానాశ్రయంలోని ఆస్పత్రిలో చేర్పించినట్లు రష్యా అంతర్గత వ్యవహారాల శాఖ మంత్రి మీడియాకు తెలియజేసారు.
విమానంలో నగ్నంగా ప్రయాణించడమే సౌకర్యవంతంగా ఉంటుందని భావించి, అనుకున్నదే తడువుగా ఒంటి మీద బట్టలను తీసేసి ఎయిర్‌పోర్ట్ చేరుకున్నాడు. మెల్లగా చెక్ఇన్ ప్రాంతంవరకూ వెళ్లాడు. ఈ క్రమంలో పోలీసుల కంటపడ్డాడు. అసహ్యమైన తీరుతో తోటి ప్రయాణికులకు ఇబ్బంది కలిగించిన సదరు ప్రయాణికుడి వీపు విమానం మోత మోగించి, అదుపులోకి తీసుకున్నారు.
