ప్రపంచ దేశాల్లో కరోనా ఉధృతి కొనసాగుతోంది. రోజు రోజుకు వేల సంఖ్యలో కేసులు నమోదవుతున్నాయి. అమెరికాతో పాటు రష్యాలోనూ కరోనా విజృంభిస్తోంది. రష్యా కరోనాకు వ్యాక్సిన్ కనుగొన్నామని చెప్పడమే కాకుండా దేశ అధక్షుడు పుతిన్ కూడా వ్యాక్సిన్ ఇంజెక్షన్ చేయించుకున్నాడు. కానీ రష్యాలో కరోనా విజృంభన ఇసుమంత కూడా తగ్గలేదు. ఇటీవల వరుసగా ఒకరోజు కేసులను మరోక రోజు దాటుతూ దేశంలో రికార్డులను సృష్టించింది.
గత 24 గంటల్లో రష్యాలో 28,142 కేసులు నమోదయ్యాయి. వాటితో ఇప్పటి వరకూ దేశంలో నమోదైన కేసుల సంఖ్య 2,488,912కు చేరాయని దేశంలోని ఫెడరల్ సెంటర్ తెలిపింది. గత 24 గంటల్లో రష్యాలోని మొత్తం 85 రాష్ట్రాల్లో 28,142 కరోనా కేసులు నమోదయ్యాయి.
దేశ రాజధాని మాస్కోలో 20.6 శాతం అంటే 5,789 కేసులు నమోయ్యియి. అందులో కొందరికి ఎటువంటి లక్షణాలు ఉండటం లేవని అధికారులు తెలిపారు. దేశ రాజధానిలో 7,279కరోనా కేసులు నమోదవగా, సెయింట్ పీటర్స్‌బర్గ్ 3,741 కేసులతో మాస్కోను అనుసరిస్తోంది. గత 24 గంటల్లో 456 మరణాలతో ఇప్పటికి దేశంలోని మరణాల సంఖ్య 43,597కు చేరింది.
