ఇంటి నిర్మాణానికి అనుకూలమైన స్థలాలను మాత్రమే ఎంపిక చేసుకోవాలని వాస్తు శాస్త్ర నిపుణులు సూచిస్తున్నారు. అందులో ముఖ్యంగా భారతీయ వాస్తు శాస్త్రాలు తెలిపిన.. గృహనిర్మాణానికి పనికిరాని స్థలాల్ని పరిశీలిస్తే...
1. చేట ఆకారంలో గల స్థలం మంచిది కాదు. ఒకవేళ తీసుకుంటే ఎంత సంపాదించినా నిలువ ఉండటం అసాధ్యం.. క్రమంగా దారిద్ర్యానికి దారితీస్తోంది. నిరంతరం మానసిక అశాంతికి గురికావడం జరుగుతుంది.
2. స్థలంలోని నాలుగు భుజాలు హెచ్చుతగ్గులుగా ఉన్నా, నాలుగు భుజాల కంటే ఎక్కువ భుజాలు కలిగి ఉన్న స్థలం అశుభాలను కలిగిస్తుంది.
3. స్థలంలోని పొడవు ఎక్కువగా ఉండి, భుజాలు హెచ్చు తగ్గులుగా ఉండే స్థలం మంచిది కాదు. ఈ స్థలంలో ఇంటి నిర్మాణం జరిగితే పశుహాని, అనారోగ్యం కలిగిస్తుంది.
4. విసన కర్ర ఆకార స్థలం.. ఎటువంటి ఆస్తిమంతుల్నైనా ఆర్థికంగా అణగారిపోయేలా చేస్తుంది. లాగుడు బండి ఆకారంలో ఉండే స్థలం ఆర్థిక పతనానికి దారి తీస్తుంది.
5. డమరకపు ఆకారంలో ఉండే స్థలం మంచిది కాదు. ఇలా తీసుకున్నట్లైతే సంతానం కలగటంలో సమస్యలు నేత్ర సంబంధిత రోగాలు కలుగుతాయి. కుంభాకార స్థలం, భయం, అంటు వ్యాధులు, సుఖశాంతులు లోపించడం జరుగుతుంది.
6. మద్దెల ఆకారంలో గల స్థలాలు భాగస్వాముల మధ్య వివాదాలను విడిపోయే ఆస్కారాలను అధికంగా కలిగిస్తాయి. అర్థ చంద్రాకార స్థలాల వలన మానసిక భ్రాంతి కలుగుతుంది. తరచుగా దోపిడీలు జరుగుతుంటాయి.
