ఏపీ టూరిజం మంత్రి రోజా కర్నూలు జిల్లా ఓర్వకల్లులో పర్యటించారు. కర్నూలు జిల్లా ఓర్వకల్లు వద్ద ఉన్న రాక్ గార్డెన్స్‌కు విచ్చేశారు. తన పర్యటనకు సంబంధించిన ఫోటోలను ట్విట్టర్‌లో వెల్లడించారు.
ఈ రాక్ గార్డెన్స్ కర్నూలు నుంచి 24 కిలోమీటర్ల దూరంలో ఉంటుంది. కర్నూలు నుంచి నంద్యాల వెళ్లే రహదారి పక్కనే ఓర్వకల్లుకు మూడు కిలోమీటర్ల దూరంలో ఇది కొలువై ఉంది.
ఏపీ టూరిజం శాఖ ఆధ్వర్యంలో రాతి రెస్టారెంట్, కేవ్ మ్యూజియం, బోటింగ్, పిక్నిక్ స్పాట్లు, హరిత రిసార్టు ద్వారా వసతి అందిస్తున్నట్టు రోజా వెల్లడించారు. ఓర్వకల్లు రాక్ గార్డెన్స్ పర్యాటక ప్రదేశంగా చాలా అద్భుతంగా ఉంటుందని పేర్కొన్నారు.
రాక్ గార్డెన్స్ ప్రాంతం పర్యాటకం పరంగానే కాకుండా, సినిమా షూటింగులకు కూడా ఎంతో అనువుగా ఉంటుంది. ఇక్కడ గతంలో జయం మనదేరా, టక్కరిదొంగ, సుభాష్ చంద్రబోస్, బాహుబలి వంటి సినిమాలను చిత్రీకరించారు.
