కరోనా వైరస్ మహమ్మారి విజృంభించిన నేపధ్యంలో జాతినుద్దేశించి ప్రధానమంత్రి నరేంద్ర మోదీ ఇప్పటికే రెండుసార్లు మాట్లాడారు. ఇప్పుడు మూడోసారి వీడియో ద్వారా సందేశాన్నిచ్చారు.
కరోనా వైరస్ పైన విజయం సాధిస్తామని చెప్పిన ప్రధాని ఆదివారం నాడు..అంటే ఏప్రిల్ 5వ తేదీ రాత్రి 9 గంటలకు దేశ ప్రజలంతా కరెంట్ లైట్లను 9 నిమిషాల పాటు ఆర్పేసి లాంతర్లను కానీ కొవ్వొత్తులను కానీ లేదంటే సెల్ ఫోన్ టార్చ్ లైట్లను కానీ వెలిగించాలని కోరారు.
కరోనా వైరస్ దేశంలోకి ప్రవేశించిన తర్వాత దేశం మొత్తం ఏకమై దానిపై పోరాటం చేస్తోందన్నారు. ఈ పోరాటంలో ప్రజలు చూపిస్తున్న ఐక్యత, క్రమశిక్షణకు కృతజ్ఞతలని అన్నారు. కరోనా వైరస్ పారదోలేందుకు పాటించాల్సిన నియమాలను ప్రజలంతా ఖచ్చితంగా అనుసరించాలనీ, తద్వారా దేశం నుంచి ఈ మహమ్మారిని తరిమేయాలని పిలుపునిచ్చారు.
