Select Your Language

Notifications

webdunia
webdunia
webdunia
webdunia
Advertiesment

లాక్ డౌన్ ఏప్రిల్ 14తో ముగుస్తోందా? పరిస్థితి ఎలా వుంటుంది?

లాక్ డౌన్ ఏప్రిల్ 14తో ముగుస్తోందా? పరిస్థితి ఎలా వుంటుంది?
, గురువారం, 2 ఏప్రియల్ 2020 (17:21 IST)
అరుణాచల్ ప్రదేశ్ ముఖ్యమంత్రి చేసిన ట్వీట్ ప్రస్తుతం చర్చనీయాంశమైంది. దేశ వ్యాప్తంగా కరోనా వైరస్ వ్యాప్తిని అడ్డుకోవడానికి అమల్లో ఉన్న లాక్‌డౌన్ ఈనెల 15తో ముగుస్తోందా? అనే దానిపై చర్చ సాగుతోంది.

అరుణాచల్ ప్రదేశ్ ముఖ్యమంత్రి పెమా ఖండూ చేసిన ట్వీట్‌ ఈ అనుమానాలకు తావిస్తోంది. ప్రధాన మంత్రి నరేంద్ర మోదీ గురువారం అన్ని రాష్ట్రాల ముఖ్యమంత్రులతో వీడియో కాన్ఫరెన్స్ నిర్వహించారు.
 
ఈ సమావేశంలో హోం మంత్రి అమిత్ షా, రక్షణ మంత్రి రాజ్‌నాథ్ సింగ్ కూడా పాల్గొన్నారు. అత్యవసర వైద్య పరికరాలు, మందులు, మందుల తయారీకి అవసరమైన సామగ్రిని తగిన స్థాయిలో సిద్ధంగా ఉంచుకోవాలని రాష్ట్రాలకు మోదీ ఈ సందర్భంగా సూచించారు. రాబోయే కొన్ని వారాల్లో టెస్టింగ్, ట్రేసింగ్, ఐసొలేషన్, క్వారంటీన్‌ల పైనే పూర్తి దృష్టి కేంద్రీకరిస్తామని ప్రధాని నరేంద్ర మోదీ స్పష్టం చేశారు. 
 
ఈ నేపథ్యంలో లాక్‌డౌన్ ఏప్రిల్ 15తో ముగుస్తోంది. కానీ, దానర్థం వీధుల్లో స్వేచ్ఛగా తిరగొచ్చని కాదని.. వైరస్ వ్యాప్తిని తగ్గించడంలో మనందరం బాధ్యతాయుతంగా వ్యవహరించాలని కోరారు. సామాజిక దూరం పాటించడం, లాక్‌డౌన్ మాత్రమే కోవిడ్-19ను ఎదుర్కొనే మార్గమని ట్వీట్‌లో పేర్కొన్నారు.

కానీ ఈ ట్వీట్‌ను ఆయన కొద్ది సమయంలో డిలీట్ చేశారు. అయితే ప్రభుత్వం తరపు నుంచి లాక్‌డౌన్ ఎత్తివేయడంపై గానీ, ప్రజా రవాణాకు అనుమతి విషయంలో కానీ ఎలాంటి సమాచారం లేదు.

Share this Story:

Follow Webdunia telugu

తర్వాతి కథనం

కరోనా భయంతో పనిచేసే ఆఫీసులోనే ఉద్యోగి సూసైడ్