పర్యావరణ పరిస్థితులకు అనుగుణంగా ప్లాస్టిక్ను నిషేదించేందుకు అందరూ ముందుకు వచ్చేలా.. ప్రభుత్వం చర్యలు తీసుకుంటుంది. దీనిలో భాగంగానే వాటిపై మరింత అవగాహన కల్పించడానికి.. ప్రపంచవ్యాప్తంగా జూలై 12న పేపర్ బ్యాగ్ డేగా నిర్వహిస్తుంది.
ప్రతి సంవత్సరం ప్రపంచ పేపర్ బ్యాగ్ దినోత్సవాన్ని ఒక నిర్దిష్ట థీమ్‌తో నిర్వహిస్తారు. ఈ సంవత్సరం ప్రపంచ పేపర్ బ్యాగ్ డే థీమ్లో భాగంగా.. "మీరు అద్భుతంగా ఉండాలంటే.. "ప్లాస్టిక్"ను పక్కనబెట్టండి.. "పేపర్ బ్యాగ్స్" ఉపయోగించండి." అనేదే.
మొట్టమొదటి పేపర్ బ్యాగ్ మెషిన్‌ను 1852లో అమెరికన్ ఫ్రాన్సిస్ వోల్ కనుగొన్నారు. తరువాత 1871 సంవత్సరంలో.. మార్గరెట్ ఇ నైట్ మరొక పేపర్ బ్యాగ్ తయారీ యంత్రాన్ని తయారు చేశారు.
ప్లాస్టిక్ వల్ల పర్యావరణానికి జరిగే ప్రతికూల ప్రభావం.. కాగితపు సంచుల వినియోగం పెరిగేలా చేసింది. ఎందుకంటే ప్లాస్టిక్ పర్యావరణంలో కలిసిపోవడానికి ఎన్నో సంవత్సరాలు పడుతుంది. కానీ కాగితపు సంచులు అలా కాదు. పైగా వీటి వల్ల పర్యావరణ కాలుష్యాన్ని అరికట్టవచ్చు.
