Publish Date: Mon, 18 May 2020 (12:57 IST)
Updated Date: Mon, 18 May 2020 (15:16 IST)
శ్రీరెడ్డి మెడలో పసుపు కొమ్ము
టాలీవుడ్ ఇండస్ట్రీలో క్యాస్టింగ్ కౌచ్ అంటూ ఆమధ్య సంచలన వ్యాఖ్య చేసిన శ్రీరెడ్డి అందరికీ గుర్తు వుండే వుంటుంది. ప్రస్తుతానికి ఈ భామ తన మకాన్ని చెన్నైకి షిప్టు చేసింది. కరోనా వైరస్ విజృంభణతో చెన్నైలో లాక్ డౌన్ అయ్యింది. ఐతే తన ఫేస్ బుక్ ఖాతాలో ఓ వీడియో పోస్ట్ చేసి మరోసారి చర్చకు తెరలేపింది. మెడలో తాళిబొట్టు కట్టుకుని కనిపించింది.
దీనితో ఆమె సీక్రెట్ మ్యారేజ్ చేసుకుందనే వార్తలు హల్చల్ చేస్తున్నాయి. గతంలో ఆమె ఓ కుర్ర డైరెక్టరుతో సన్నిహితంగా వుందంటూ వార్తలు వచ్చాయి. మరి ఈ వార్తలను ఇప్పుడామె నిజం చేసిందేమోనన్న అనుమానాలు వ్యక్తమవుతున్నాయి.
ఐతే తన మెడలో పసుపు కొమ్మును చూసి ఏదో అయిపోయిందని అనుకోవద్దనీ, అది కేవలం ఓ సినిమా షూటింగ్ కోసమేనని వీడియో క్రింద పోస్ట్ చేసింది. ఐతేమాత్రం రాసేవాళ్లు వదిలిపెడతారా... తమ కీబోర్డులకు పని కల్పించేస్తున్నారు మరి. శ్రీరెడ్డి దీనిపై ఎలా స్పందిస్తుందో చూడాలి.
