హృతిక్‌కు పెళ్ళి అయిన రోజు నా గుండె బద్ధలైంది.. నటి మీనా

ఆదివారం, 17 మే 2020 (11:18 IST)
బాలీవుడ్ నటుడు హృతిక్ రోషన్ పెళ్లి అయిన రోజున తన గుండె బద్ధలైపోయిందని సీనియర్ నటి మీనా వ్యాఖ్యానించింది. ఆ తర్వాత తేరుకుని, ఆయన విందు రిసెప్షన్‌కు వెళ్లినట్టు చెప్పుకొచ్చింది. 
 
కరోనా లాక్డౌన్‌తో ఇంటికే పరిమితమైన మీనా... అభిమానులతో తన అభిప్రాయాలను పంచుకుంది. తన ఫేవరెట్ హీరో హృతిక్ పెళ్లి తర్వాత బెంగళూరులో విందు కార్యక్రమంలో అతన్ని కలిశానని, ఆ రోజు తన గుండె బద్ధలైందని చెబుతూ ఓ నవ్వుతున్న ఎమోజీని ఆమె పోస్ట్ చేశారు. 
 
నాడు హృతిక్‌కు శుభాభినందనలు చెబుతున్న ఓ ఫోటోను ఆమె పోస్ట్ చేశారు. మీనా పోస్ట్‌ను చూసిన ఓ నెటిజన్, అజిత్ హీరోగా నటించిన 'విలన్' సినిమాలో మీరు చేసిన ఓ సాంగ్‌ను హృతిక్ చాలా మెచ్చుకున్నారని, ఆ ఆర్టికల్ ను తాను చదివానని చెప్పాడు.
 
దీనికి మీనా స్పందిస్తూ, మరో ఘటనను గుర్తుచేసింది. ఆ పాట షూటింగ్ మంచులో జరిగిందని ఆ సమయంలో హృతిక్‌తో పాటు అమితాబ్, కరీనా కపూర్‌లు కూడా అక్కడే ఉన్నారని, దట్టంగా మంచు కురుస్తుంటే షూటింగ్ ఆపకపోయేసరికి, తనకేం అవుతుందోనన్న ఆందోళనలో కరీనా తల్లి తనను తిట్టారని గుర్తుచేసుకున్నారు. 
 
కాగా, బాలీవుడ్ నటుడు హృతిక్ రోషన్‌కు గత 2000 సంవత్సరంలో వివాహం జరిగింది. ఈ సందర్భంగా ఆయన సినీ ఇండస్ట్రీకి ఇచ్చిన విందు కార్యక్రమానికి అపుడు సౌత్‌లో టాప్ హీరోయిన్‌గా ఉన్న మీనా కూడా హాజరైంది.

వెబ్దునియా పై చదవండి

తర్వాతి కథనం 42 యేళ్ల వయసులో బిడ్డకు జన్మనిచ్చిన హీరోయిన్!! ఎవరు?