ఏపీ డిప్యూటీ సీఎం పవన్ కల్యాణ్‌కు దివ్వెల మాధురి వార్నింగ్ ఇచ్చారు. ఎప్పుడో రెండేళ్ల క్రితం పవన్ కల్యాణ్ కామన్‌ మ్యాన్‌గా జనసేన పార్టీ పెట్టుకున్నారు. ఆ సమయంలో పవన్ వైకాపా నేతల్లారా రండి అంటూ అనుచిత వ్యాఖ్యలు చేసినప్పుడు.. వైకాపా నేతగా దువ్వాడ శ్రీనివాస్ స్పందించారు.
వైకాపా తరపున మాట్లాడారు. అంతేకానీ ఆయన ఇంకేమీ చేయలేదు. అలా వైకాపా తరపున మాట్లాడటంతో తప్పేమీ లేదు. ఆ వ్యాఖ్యలను గుర్తు పెట్టుకుని ప్రస్తుతం కేసులు పెట్టడం సరికాదని.. ఆ కేసుల సాకుతో అరెస్టులు చేస్తే మాత్రం నిరసనలు తప్పవని.. రాజాను అరెస్ట్ చేసి చూడండి అంటూ దివ్వెల మాధురి హెచ్చరించారు.
దువ్వాడ శ్రీనివాస్‌ను అరెస్ట్ చేస్తే.. ఆయన అభిమానులు రోడ్డున పడతారని వార్నింగ్ ఇచ్చారు. ఈ వ్యవహారంపై ఏపీ సర్కారుతో మాట్లాడేది లేదని.. ఏం జరిగినా ధీటుగా ఎదుర్కొంటామని చెప్పారు. ఇంకా ఓ టీవీకి ఇచ్చిన ఇంటర్వ్యూలో ఈ విషయాలను వెల్లడించిన దివ్వెల మాధురి.. యాంకర్ కోరిక మేరకు డ్యాన్స్ చేశారు. ఆమె డ్యాన్సుకు శ్రీనివాస్‌తో పాటు ప్రేక్షకులు ఫిదా అయ్యారు. ఈ వీడియో నెట్టింట వైరల్ అవుతోంది.
