Select Your Language

Notifications

webdunia
webdunia
webdunia
webdunia
Advertiesment

"క్రాక్" మూవీ నుంచి 'కోరమీసం పోలీసోడా' లిరికల్ సాంగ్ రిలీజ్

, శుక్రవారం, 25 డిశెంబరు 2020 (09:51 IST)
మాస్ మహారాజ్ రవితేజ - చెన్నై బ్యూటీ శృతిహాసన్ జంటగా నటిస్తున్న చిత్రం క్రాక్. గోపీచంద్ మలినేని దర్శకత్వం వహిస్తున్న ఈ చిత్రాన్ని ప్రముఖ నిర్మాత బి. మధు (ఠాగూర్ మధు) నిర్మిస్తున్నారు. అయితే, ఈ చిత్రం నుంచి క్రిస్మస్ పండుగ సందర్భంగా ఓ లిరికల్ సాంగ్‌ను రిలీజ్ చేశారు. రామజోగయ్య శాస్త్రి రాసిన గేయరచనకు ఎస్.థమన్ సంగీత బాణీలు సమకూర్చారు. 
 
వ‌చ్చే ఏడాది విడుద‌ల కానున్న ఈ సినిమాకు సంబంధించి ప్ర‌మోష‌న‌ల్ కార్య‌క్ర‌మాలు మొద‌లు పెట్టారు. ఇందులోభాగంగా "కోర‌మీసం పోలీసోడా" అనే లిరిక‌ల్ సాంగ్ విడుద‌ల చేశారు. ఇందులో ర‌వితేజ‌.. శృతి హాస‌న్‌తో క‌లిసి శృతిమించిన రొమాన్స్ చేసింది. ఇద్ద‌రి మ‌ధ్య కెమిస్ట్రీని చూసి ప్రేక్ష‌కులు వావ్ అంటున్నారు. గ‌తంలో బ‌లుపు చిత్రంలో ఈ ఇద్ద‌రు క‌లిసి నటించ‌గా, ఇప్పుడు రెండో సారి ప్రేక్ష‌కుల‌ని అల‌రించేందుకు సిద్ధ‌మ‌య్యారు.
 
'క్రాక్' చిత్రం నుండి ఇప్ప‌టికే రెండు సాంగ్స్ విడుద‌ల చేయ‌గా, ఇప్పుడు విడుద‌లైన మూడో పాట శ్రోత‌ల‌ని అల‌రిస్తుంది. ఎస్. థ‌మ‌న్ మ్యూజిక్ కంపోజిష‌న్‌లో రూపొందిన పాట‌ల‌కు మంచి రెస్పాన్స్ వ‌స్తుంది. వాస్త‌వ సంఘ‌ట‌న‌ల ఆధారంగా రూపొందిన ఈ క్రాక్ చిత్రాన్ని ఠాగూర్ మ‌ధు నిర్మిస్తున్నారు. తాజాగా విడుద‌లైన కోర‌మీసం పోలీసోడా అనే సాంగ్‌ని మీరు విని ఎంజాయ్ చేయండి.
 
నిజానికి ర‌వితేజ ‌- శృతిహాస‌న్ కాంబినేష‌న్ అంటే ఫ‌న్‌, రొమాంటిక్ ఎంట‌ర్‌టైన్‌మెంట్ గ్యారంటీ అని ప్ర‌త్యేకంగా చెప్ప‌న‌వ‌స‌రం లేదు. సిల్వ‌ర్ స్క్రీ‌న్‌పై ఈ ఇద్ద‌రి కెమిస్ట్రీ అది‌రిపోతుంది. "బ‌లుపు" సినిమానే ఇందుకు ఉదాహ‌ర‌ణ‌. ఇపుడు మ‌రోసారి ఆడియెన్స్‌ను ఆలరించేందుకు క్రాక్ చిత్రం ద్వారా ప్రేక్షకుల ముందుకురానున్నారు.

 

Share this Story:

Follow Webdunia telugu

తర్వాతి కథనం

బిగ్ బాస్ ఫేం సోహైల్ హీరోగా ‘‘జార్జ్ రెడ్డి’’ నిర్మాత అప్పిరెడ్డి కొత్త చిత్రం