మే 1న 'HIT 3' విడుదలకు సిద్ధమవుతున్న నాని, దర్శకుడు శ్రీకాంత్ ఓదెలతో 'ది ప్యారడైజ్' చిత్రాన్ని కూడా పూర్తి చేయడానికి రెడీ అయ్యాడు. దీనికి సంబంధించిన లుక్ ను కూడా పోస్టర్ రూపంలో విడుదలచేశారు. అయితే దీనికి ముందు దర్శకుడు సుజిత్ తో చేయాల్సి వుంది. కానీ అది వాయిదాపడినట్లు చెప్పారు నాని.
హిట్ 3 ప్రమోషన్ లో భాగంగా ఇంటర్వ్యూలలో నాని మాట్లాడుతూ, పవన్ కళ్యాణ్ OG కారణంగా ఇది ఆలస్యమైంది. సుజీత్ తో నా సినిమా ఆలస్యమైంది ఎందుకంటే అతను నా సినిమా ప్రారంభించడానికి ముందు OGని పూర్తి చేయాలి. అతను దానిపై పని చేస్తున్నాడు. ఇది ఎక్కువగా ది ప్యారడైజ్ తర్వాత ప్రారంభమవుతుంది. ఇంతకుముందు సుజిత్ ప్రభాస్ తో సాహో చేశాడు.
ఇక 'HIT 3' లో నాని పోలీసు గా అర్జున్ సర్కార్‌ పాత్రలలో కనిపించనున్నాడు. ట్రైలర్ ఇప్పటికే తీవ్రమైన, హింసాత్మకం, రక్తంతో తడిసిన సన్నివేశాలు ఎక్కువగా కనిపించాయి. HIT' యూనివర్స్‌లో మూడవ భాగం ఇది. ఇందులోశ్రీనిధి శెట్టి, ఆదిల్ పాలా, రావు రమేష్, బ్రహ్మాజీ, మాగంటి శ్రీనాథ్ కీలక పాత్రల్లో నటించారు.
