ముక్కు అవినాష్. బిగ్ బాస్ నాలుగో సీజన్‌లో మంచి క్రేజ్ తెచ్చుకున్న కంటెస్టెంట్. అంతేకాదు, జబర్దస్త్ కమెడియన్ గా మంచి మార్కులు వున్నాయి కూడా. ఆయన తల్లి ఇటీవల అనారోగ్యం కారణంగా ఆసుపత్రి పాలయ్యారు. ఈ విషయం తెలిసిన తెలంగాణ సర్కార్ ముక్కు అవినాష్ కి రూ. 60 వేలు ఆర్థిక సాయం ప్రకటించింది. శనివారం 60 వేల రూపాయల చెక్కును మంత్రి కొప్పుల ఈశ్వర్ అందజేశారు. ఈ ఫోటోలను ముక్కు అవినాష్ సోషల్ మీడియాలో షేర్ చేసారు.
ఐతే ఈ సాయంపై పలువురు నెటిజన్లు విమర్శనాస్త్రాలు సంధిస్తున్నారు. ముక్కు అవినాష్ మొన్ననే గోవా వెళ్లి ఎంజాయ్ చేసి వచ్చాడనీ, మణికొండలో అతడికి ఇల్లు వుందనీ, అతడేమీ పేదవాడు కాదంటూ కామెంట్లు పెడుతున్నారు. అంతేకాదు.. తెలంగాణలో పూట గడవని రైతులు వున్నారనీ, కొందరు రైతులు ఆత్మహత్యలు చేసుకున్నారనీ, అలాంటి కుటుంబాలకు ఇలాంటి సాయం అందితే బాగుంటుందంటూ వ్యాఖ్యలు చేస్తున్నారు.
