టాలీవుడ్ ఎవర్ గ్రీన్ హీరోయిన్ రమ్యకృష్ణ ప్రస్తుతం ఆసక్తికరమైన విషయాన్ని వెల్లడించింది. ప్రస్తుతం ఈ ఇంట్రెస్టింగ్ కామెంట్స్ నెట్టింట వైరల్ అవుతోంది. నాలుగు నెలల ప్రెగ్నెన్సీతో ఓ పాటకు ఆమె స్టెప్పులేసినట్లు తెలిపింది. అదీ యంగ్ టైగర్‌తో నాలుగు నెలల ప్రెగ్నెంట్‌తోనే మాస్ పాటకు స్టెప్పులేశానని వెల్లడించింది.
ఇటీవల, పూరిజగన్నాథ్ దర్శకత్వంలో విజయ్ దేవకొండ నటించిన లైగర్ చిత్రంలో రమ్యకృష్ణన్ మాస్ పాత్రతో ఆకట్టుకుంది. ఒకప్పుడు స్టార్ హీరోయిన్‌గా రాణించిన రమ్యకృష్ణ ప్రస్తుతం సెకండ్ ఇన్నింగ్స్‌లో పవర్ ఫుల్ రోల్స్ పోషిస్తోన్న సంగతి తెలిసిందే. స్టార్ హీరోల సినిమాల్లో కీలక పాత్రలు చేస్తూ తనదైన మార్క్ అప్పియరెన్స్‌తో ముందుకు వెళ్తోంది. ఇటీవల, లైగర్‌తో మాస్ ప్రేక్షకులకు మరింత చేరువైంది.
అంతకుముందు కింగ్ నాగార్జున నటించిన బంగార్రాజు సినిమాలో నాగార్జున భార్యగా రమ్యకృష్ణ నటించింది. ప్రస్తుతం వరుస సినిమాలతో దూసుకుపోతోంది ఈ బ్యూటీ. ప్రస్తుతం ఆమె తన భర్త క్రియేటివ్ డైరెక్టర్ కృష్ణవంశీ దర్శకత్వంలో 'రంగమార్తాండ' సినిమాలో కీలక పాత్ర పోషిస్తోంది. మరికొన్ని చిత్రాలు సెట్స్‌పై ఉన్నాయి.
ఈ నేపథ్యంలో "నా అల్లుడు" సినిమాలో రమ్యకృష్ణ హీరోయిన్ తల్లిగా నటించిన సంగతి తెలిసిందే. ఇందులో రమ్య "సయ్యా సయ్యారే" పాటకు స్టెప్పులేసింది. ఈ మాస్ పాటకు స్టెప్పులేసిన రమ్యకృష్ణ ప్రెగ్నెంట్‌గా వున్నదని.. ఆమెకు నాలుగు నెలల ప్రెగ్నెన్సీ అని తెలిపింది. అందుకే ఈ పాట తనకు స్పెషల్ అంటూ ఓ ఇంటర్వ్యూలో వెల్లడించింది.
