హీరో, దర్శకుడిగా కన్నడలో బీర్బల్ ట్రైయాలజీ, ఓల్డ్ మోంక్ చిత్రాలతో బ్లాక్ బస్టర్స్ సాధించి సంచలనం సృష్టించిన ఎం జి శ్రీనివాస్ (శ్రీని) మరో విభిన్న థ్రిల్లర్ తో ప్రేక్షకుల ముందుకు వస్తున్నారు. 'ఆన్ ఎయిర్' అనే ఇంటరెస్టింగ్ టైటిల్ తో వస్తున్న ఈ చిత్రంలో శ్రీని ఆర్ జే గా ప్రధాన పాత్రలో నటిస్తున్నారు.
చిత్రీకరణ పూర్తి చేసుకున్న ఈ చిత్రం జూలైలో ఓ టీ టీ లో విడుదల కానుంది. 'బాహుబలి' 'ఆర్ ఆర్ ఆర్' వంటి పలు భారీ చిత్రాల రైటర్ విజయేంద్ర ప్రసాద్ అసోసియేట్ ప్రశాంత్ సాగర్ 'ఆన్ ఎయిర్' కు దర్శకత్వం వహించారు. రఘువీర్ గోరిపర్తి, సృజన్ యరబోలు నిర్మాతలు.
