"మహానటి"లో మోహన్ బాబు.. ఎస్వీఆర్ పాత్రలో...
అలనాటి నటీమణి సావిత్రి జీవిత చరిత్ర ఆధారంగా 'మహానటి' చిత్రం తెరకెక్కనుంది. ఈ చిత్రంలో నాటి మేటి మహానటుడు ఎస్వీ రంగారావు పాత్రలో విలక్షణ నటుడు మోహన్ బాబు కనిపించనున్నారు.
అలనాటి నటీమణి సావిత్రి జీవిత చరిత్ర ఆధారంగా 'మహానటి' చిత్రం తెరకెక్కనుంది. ఈ చిత్రంలో నాటి మేటి మహానటుడు ఎస్వీ రంగారావు పాత్రలో విలక్షణ నటుడు మోహన్ బాబు కనిపించనున్నారు.
నిజానికి ఎస్వీ రంగారావు పేరు తలుచుకోగానే గంభీరమైన రూపం, అనర్గళమైన సంభాషణలు గుర్తుకొస్తాయి. ఎన్ని తరాలు గడిచినా అలాంటి నటుడు మళ్లీరాకపోవచ్చని అంటారు. ఎస్వీ రంగారావు తెరపై కనిపిస్తే హీరోలు సైతం వెలవెలపోవాల్సిందే. అంతటి మహానుభావుడి పేరు ఇపుడు మరోమారు చర్చనీయాంశంగా మారింది.
మహానటి సినిమాలో మోహన్ బాబుని ఎస్వీ రంగారావుగా మనముందుకు తీసుకురాబోతున్నారట. అయితే ఇన్నాళ్ళు దీనిపై ఎలాంటి క్లారిటీ రాక‌పోగా, తాజాగా మంచు ల‌క్ష్మీ చేసిన రీట్వీట్ మోహన్ బాబు మ‌హాన‌టిలో న‌టించ‌నున్నాడ‌నే విష‌యం చెప్ప‌క‌నే చెబుతుంది.
సావిత్రి పాత్రలో కీర్తి సురేష్ క‌నిపించ‌నుండ‌గా, దుల్కర్ సల్మాన్, సమంత, ప్రకాష్ రాజ్, షాలిని పాండేలు ఇతర కీలక పాత్రల్లో నటిస్తున్నారు. ఇక సావిత్రి జీవితంలో కీలక వ్య‌క్తులైన ఎన్టీ రామారావు, అక్కినేని పాత్రల కోసం జూనియర్ ఎన్టీఆర్‌ను, నాగచైతన్య‌ను సంప్రదిస్తున్నట్టు సమాచారం.
