'By gods grace...my dear son is safe' : హీరో మోహన్ బాబు

"ఆ దేవుడి ద‌య‌వ‌ల్ల నా కొడుకు క్షేమంగానే ఉన్నా"డంటూ యువ హీరో మంచు విష్ణు ఆరోగ్యం‌పై ఆయన తండ్రి, హీరో, కలెక్షన్ కింగ్ మోహ‌న్ బాబు ట్వీట్ చేశారు. మంచు విష్ణు నటిస్తున్న తాజా చిత్రం 'ఆచారి అమెరికాయాత్ర'

"ఆ దేవుడి ద‌య‌వ‌ల్ల నా కొడుకు క్షేమంగానే ఉన్నా"డంటూ యువ హీరో మంచు విష్ణు ఆరోగ్యం‌పై ఆయన తండ్రి, హీరో, కలెక్షన్ కింగ్ మోహ‌న్ బాబు ట్వీట్ చేశారు. మంచు విష్ణు నటిస్తున్న తాజా చిత్రం 'ఆచారి అమెరికాయాత్ర' సినిమా షూటింగ్‌లో విష్ణు బైక్‌పై నుంచి కింద ప‌డ‌టంతో ఆయ‌న మెడ‌, భుజానికి గాయాల‌య్యాయి. దీంతో షూటింగ్ జ‌రుగుతున్న మ‌లేషియాలోనే ఆయ‌న‌కు ట్రీట్మెంట్ ఇప్పిస్తున్నారు. 

విష్ణును ఐసీయులో ఉంచి వైద్యం చేస్తున్నట్టు వార్తలు రావడంతో ఆయన అభిమానులు ఆందోళనకు గురయ్యారు. దీంతో మోహన్ బాబు పై విధంగా ట్వీట్ చేశారు. దీంతో మంచు ఫ్యామిలీ అభిమానులు ఊపిరి పీల్చుకున్నారు. 

కాగా, షూటింగ్ సందర్భంగా బైక్ ఛేజింగ్ సీన్స్ షూట్ చేస్తున్న సమయంలో ఎదురెదురుగా వస్తున్న రెండు బైకులు ఢీ కొట్టడంతో మంచు విష్ణు బైక్ పై నుంచి కిందపడిపోయాడు. దీంతో తీవ్రగాయాలయ్యాయి. ఆ వెంటనే ఆయనను మలేషియాలోని పుత్రజయ ఆస్పత్రిలో చేర్చి చికిత్స చేస్తున్నారు. 

ఈ ప్రమాదంలో మంచు విష్ణు భజం ఎముక ఫ్రాక్చర్ కాగా, మెడ భాగంలో కూడా తీవ్రమైన దెబ్బ తగినట్టు సమాచారం. దీంతో మెరుగైన వైద్యం కోసం ఆయనను మరొక ఆసుపత్రికి మార్చనున్నారు. ప్రాణానికి ప్రమాదం ఏమీ లేదని, ఆయన త్వరలోనే కోలుకుంటారని చిత్రయూనిట్ ఆశాభావం వ్యక్తం చేసింది. ఆయన కోలుకునే వరకు షూటింగ్‌కు విరామమివ్వనున్నట్టు తెలుస్తోంది.