టాలీవుడ్ స్టార్ హీరోయిన్ కాజల్ అగర్వాల్ నటించిన తాజా చిత్రం "సత్యభామ". ఈ సినిమా టీజర్‌ను శుక్రవారం రిలీజ్ చేశారు. ఇది కాజల్ నటించిన 60వ చిత్రం. పైగా, పూర్తిగా లేడీ ఓరియంటెడ్ మూవీ. దీంతో ఈ చిత్రంపై ఆది నుంచి అంచనాలు భారీ స్థాయిలో నెలకొన్నాయి. కాజల్ అగర్వాల్ బర్త్‌డేను పురస్కరించుకుని గత జూన్ నెలలో ఈ చిత్రం గ్లింప్స్‌ను రిలీజ్ చేసిన చిత్ర బృందం.. శుక్రవారం టీజర్‌ను రిలీజ్ చేశారు. గ్లింప్స్‌లోనే ఓ రేంజ్ యాక్షన్ చూపించిన కాజల్.. టీజర్‌లో అంతకుమించి అదరగొట్టేశారు. కాజల్ ఫ్యాన్స్‌కి టీజర్ దీపావళి బొనంజాగా ఉంది.
ఈ టీజర్‌ను చూస్తుంటే, ఇదొక క్రైమ్ సస్పెన్స్ థ్రిల్లర్‌గా అర్థమవుతుంది. పోలీస్ ఆఫీసర్ సత్యభామ హ్యాండిల్ చేస్తున్న కేసులో అనుకోకుండా ఒక వ్యక్తి మరణించడం, సత్యభామని ఆ కేసు నుంచి తొలగించడం, కానీ తన వల్ల ఒక తప్పు జరిగిందన్న కోపంతో సత్యభామ, ఆ కేసుని ఆఫ్ డ్యూటీలో ఇన్వెస్టిగేషన్ చేయడం ఈ సినిమా స్టోరీగా తెలుస్తుంది. పవర్ ఫుల్ పోలీస్ ఆఫీసర్ పాత్రలో సత్యభామగా కాజల్ వావ్ అనిపిస్తున్నారు. అఖిల్ డేగల ఈ సినిమాకి దర్శకత్వం వహించారు. శ్రీ చరణ్ పాకాల సంగీతం అందించారు. ఈ టీజర్‌కు ఇచ్చిన బ్యాక్‌గ్రౌండ్ స్కోరు చాలా హైలెట్‌గా నిలిచింది.
