బర్నింగ్ స్టార్‌గా ''హృదయ కాలేయం'' సినిమాతో ఒక్కసారిగా దూసుకొచ్చాడు సంపూర్ణేష్ బాబు. ఆ సినిమాతో రెండు తెలుగు రాష్ట్రాల్లోనూ గుర్తింపు సంపాదించుకున్నాడు. ఆ తర్వాత పలు ఇతర సినిమాల్లో నటించి మెప్పించాడు. ప్రస్తుత లాక్‌డౌన్ సమయంలో తన సొంత ఊళ్లోనే ఉంటున్న సంపూ.. తన భార్య, పిల్లల కోసం నగలు తయారు చేశాడట.
ఆ వీడియోను సంపూ తన ట్విటర్ ఖాతాలో పోస్ట్ చేశాడు. `రాజు పేద తేడా లేదు.. నీ ఆస్తి, డబ్బు నీ వెనుక రావు.. నువ్వెక్కడి నుంచి వచ్చావో మర్చిపోకు.. అని నా నిజమైన స్థానం గుర్తు చేసుకుంటూ.. నా పాత `కంశాలి` పని ద్వారా నా భార్య కాలికి మెట్టెలు, పిల్లల కోసం గజ్జెలు చేసి ఇచ్చాన`ని సంపూ తెలిపాడు.
ఈ మధ్య కరోనా క్రైసిస్‌ చారిటీకి సంపూ రూ. లక్ష రూపాయలు విరాళం అందించారు. అంతే కాదు ఆ మద్య ఏపిలో ప్రకృతి విలయతాండం చేస్తున్న సమయంలోకూడా తన వంతు విరాళం ఇచ్చిన సంగతి తెలిసిందే.
